ඩෙංගු හා දුෂිතයන් මර්දනයත් හොඳ ව්‍යවස්ථාවක් නැතිව බෑ (VIDEO)

0

රටේ ඇති ප්‍රධානතම ගැටලුව නව ව්‍යවස්ථාවක් සකස් කිරීමද යන්න ප්‍රශ්න කරන ඇතැමුන්ට රටක නීති රාමුව සහ ආයතනික රාමුව නිර්මාණය වී ඇති ව්‍යවස්ථාවකින් තොරව එදිනෙදා ප්‍රශ්න පවා විසඳිය නොහැකි බවට අවබෝධයක් නැතැයි ව්‍යවස්ථා සම්පාදක විද්වත් කමිටුවේ සාමාජිකාවක් පවසයි.

ඩෙංගු මර්දනය, කුණු ප්‍රශ්න සහ මහා පරිමාන දුෂණ වලට විසඳුම් නොලැබීම වැනි ගැටලු සඳහා බලපා ඇති නීති පද්ධතිය සහ ආයතනික පද්ධතිය කාර්යක්ෂම කර ක්‍රියාත්මක කරවීමේ බලය ඇත්තේ ආණ්ඩුක්‍රම ව්‍යවස්ථාවට බවයි නීතිඥ චමින්ද්‍රි සපරමාදු පෙන්වා දෙන්නේ.

ආයතනික පද්ධතිය ශක්තිමත් කිරීම, දේශපාලනයෙන් තොර කිරිම සහ කාර්යක්ෂම කිරිමට ආණ්ඩුක්‍රම ව්‍යවස්ථාව ඉවහල් වන බව අවධාරණය කරන ඇය ව්‍යවස්ථාව වැනි මාතෘකා සමාජයේ එක්තරා තලයක පමණක් සාකච්ඡා කිරිම හේතුවෙන් බහුතර ජනතාවට ඒ පිළිබඳව අවබෝධය අඩු බව මෙන්ම ව්‍යවස්ථාවේ ඇති වැදගත්කම සම්බන්ධව සමාජය දැනුවත් කිරීමට රටේ උගතුන් අසමත් වී ඇතැයිද චෝදනා කරයි.

කොටි පරාජය හා ජාතික ප්‍රශ්නය

කොටි සංවිධානය යුදමය වශයෙන් පරාජය කිරි‍මෙන් පසුවත් ජාතික ප්‍රශ්නය විසඳීමට දේශපාලන විසඳුමක් අනවශ්‍ය බව කිසිවකු ප්‍රකාශ නොකළ බැවි පැවසු නීතිඥ චමින්ද්‍රි සපරමාදු ජනවාර්ගික ගැටලුවට විසඳුමක් ලෙස දැනට ඇති 13 වැනි ව්‍යවස්ථා සංශෝධනය නව ව්‍යවස්ථාවක් හරහා තවදුරටත් ශක්තිමත් කර දේශපාලන විසඳුමක් ලබා දිය යුතු බවයි පවසන්නේ.

මෙතෙක් නව ව්‍යවස්ථාව සඳහා වන කිසිදු කෙටුම් පතක් හෝ සකසා නැති බව මෙන්ම තවමත් සියලු දෙනාගේ යෝජනා ඇතුලත් මෙහෙයුම් කමිටු වාර්තා පමණක් සාකච්ඡාවට ලක් වන බවටයි ව්‍යවස්ථා සම්පාදක විද්වත් කමිටුවේ සාමාජිකාව පෙන්වා දෙන්නේ.

නව ව්‍යවස්ථාවක් සැකසීමට විදේශ රටවල් බලපෑම් කරන බවට ඇතැම් දේශපාලකයින් කරන චෝදනා ව්‍යවස්ථා සම්පාදක විද්වත් කමිටුවේ සාමාජිකා නීතිඥ චමින්ද්‍රි සපරමාදු ප්‍රතික්ෂේප කළේය.

Facebook Comments

wedding people