මහනුවර අවට ප්‍රදේශයේ දින කිහිපයක් තිස්සේ සිදු කරනු ලබන මුස්ලිම් විරෝධි ප්‍රහාරයන් මෙහෙය වන බවට චෝදනා ලබන සිංහල බෞද්ධ දැඩි මතධාරි සංවිධානයක නායක අමිත් ජිවන් වීරසිංහ අත්අඩංගුවට ගෙන තිබේ.
ඔහු ඇතුළුව පුද්ගලයන් 9 දෙනෙකු දිගන හා පුජාපිටිය ප්‍රදේශයේදී ත්‍රස්ත විමර්ශන ඒකකය 08 බ්‍රහස්පතින්දා අලුයම අත්අඩංගුවට ගත් බවයි පොලිස් මාධ්‍ය ප්‍රකාශක රුවන් ගුණසේකර පවසන්නේ.
මේ වන විට ජාතිවාදි ගැටුම් වලට සම්බන්ධ පුද්ගලයන් 81 දෙනෙකු අත්අඩංගුවට ගෙන ඇති අතර තවත් කිහිප දෙනෙකු සොය පරික්ෂණ ක්‍රියාත්මකව පවති.
අමිත් වීරසිංහ ඇතුළු අත්අඩංගුවට ගත් පුද්ගලයන් දින කිහිපයක් තිස්සේ මහනුවර ප්‍රදේශයේ රැදි සිටිමින් මුස්ලිම් විරෝධි ප්‍රහාර දියත් කරන ලද බවටයි පොලිසිය සැක පල කරන්නේ.
මුස්ලිම් විරෝධි ප්‍රහාර දියත් වීමට පෙර දිගන ප්‍රදේශයේ පැවති විරෝධතාවලට නායකත්වය දෙමින් මුස්ලිම් විරෝධි ප්‍රහාරයන්ට එකතු වන ලෙස සිංහල බෞද්ධයන් හට අමිත් වීරසිංහ විසින් කැඳවිම් කරන විඩියෝ පට සමාජ ඡාලා ඔස්සේ විකාශය කර තිබුණි.
Facebook Comments
