2008 වසරේ කොළඹ හා තදාසන්න ප්‍රදේශවල දෙමළ තරුණයින් 11 දෙනෙකු පැහැරගෙන ගොස් අතුරුදන් කිරිමේ සිද්ධිය සම්බන්ධ නඩුවට අදාළව කොළඹ කොටුව මහේස්ත්‍රාත් අධිකරණය විසින් නිතිපතිවරයාට නොතිසි නිකුත් කර ඇත.
පරීක්ෂණ සම්බන්ධයෙන් නීතිපතිවරයාගේ සහාය මෙතෙක් ලැබී නොමැති බව පවසා සිටියේ කොළඹ කොටුව මහේස්ත්‍රාත්වරිය ප්‍රකාශ කොට සිටියේ අතුරුදන් කිරීම සම්බන්ධයෙන් නාවික හමුදා නිලධාරීන් තිදෙනකුට එරෙහි නඩුව ඊයේ (2) කැඳවනු ලැබූ අවස්ථාවේදීය.
ලංකා ජයරත්න මහේස්ත්‍රාත්වරිය අධිකරණය හමුවේ ප්‍රකාශ කොට ඇත්තේ සිද්ධියට අදාළ පරීක්ෂණ පොලිසිය විසින් නිසියාකාරව සිදු කරනු ලැබ ඇති නුමුත් පසුගිය නඩු දිනයේ දී දන්වා යවන ලද පරිදි නීතිපතිවරයා අදත් අධිකරණයේ පෙනී සිටියේ නැති බවයි.
පරීක්ෂණ කටයුතු සාර්ථක කරගැනීම සඳහා නීතිපතිවරයාගේ සහය ඉතා වැදගත් බැවින් මීළඟ දිනයේ අධිකරණයේ පෙනී සිටින ලෙස දන්වා නීතිපතිවරයා වෙත පිස්කල්වරයා මාර්ගයෙන් නොතීසි නිකුත් කිරිමට මහේස්ත්‍රාත්වරිය පියවර ගෙන ඇත.
පැහැර ගැනීම සහ අතුරුදහන් කිරීම සම්බන්ධයෙන් සැකපිට ඇත අඩංගුවට ගන්නාලද හිටපු නාවික හමුදාපති වයිස් අද්මිරාල් වසන්ත කරන්නාගොඩගේ ප‍්‍රධාන පෞද්ගලික ආරක්ෂක නිලධාරියා වශයෙන් කටයුතු කළ ‘නේවි සම්පත්’ ලෙස හැඳින්වෙන ලූතිනන් කමාන්ඩර් නිලන්ත සම්පත් මුණසිංහ ඇතුලු නාවික හමුදා නිලධාරීන් තිදෙනකු අධිකරණය විසින් ඇප මත මුදා හැර තිබේ.
ඉදිරි නඩු විභාගය අගෝස්තු 30 දක්වා කල් තබන ලදී.
Facebook Comments
