අනුරාධපුර බන්ධනාගාරයේ රඳවා සිටින දේශපාලන සිරකරුවන් තිදෙනෙකු උපවාසයක් ආරම්භ කර ඇති බව දේශපාලන සිරකරුවන් නිදහස් කර ගැනිමේ ව්‍යාපාරය පවසයි.
මදිඅරසන් සුලක්ෂන්, රාසතුරෛයි තිරුවරුල් සහ ගනේෂන් දර්ශන් යන දේශපාලන සිරකරුවන් සැප්තැම්බර් 26 සිට මෙසේ උපාවසයක් ආරම්භ කර ඇති බව එම ව්‍යාපාරයේ කැඳවුම්කාර සුන්දරම් මහේන්ද්‍රන් සිලෝන් ජර්නල්ස් හා කියා සිිටියේය.
වව්නියාව අධිකරණයේ විභාග වෙමින් තිබු නඩු අනුරාධපුරය අධිකරණයට මාරු කිරිමට එරෙහිව ඔවුන් මෙසේ උපාවසයක් ආරම්භ කල බවයි ඔහු පවසන්නේ.
උපවාසයේ නිරතව සිටි මදිඅරසන් සුලක්ෂන් හා රාසතුරෛයි තිරුවරුල් අසාධ්‍ය තත්ත්වයෙන් මේ වන විට අනුරාධපුර බන්ධනාගාර රෝහලට ඇතුල් කල බවයි සුන්දරම් මහේන්ද්‍රන් සිලෝන් ජර්න්ල් වෙත සඳහන් කළේ.
මෙම රැඳවියන්ගේ නඩු අනුරාධපුර අධිකරණයට මාරු කිරිම හේතුවෙන් ඔවුන්ට ආසාධාරණයක් වන බව පවසන දේශපාලන සිරකරුවන් නිදහස් කර ගැනිමේ ව්‍යාපාරයේ සුන්දරම් මහේන්ද්‍රන් එම නඩු වව්නියාව හෝ යාපනය අධිකරණ වෙත මාරු කරන ලෙසට බල කර උපවාසය ආරම්භ කර ඇති බව ඔහු වැඩි දුරටත් පැවසීය.
Facebook Comments
