බලය බෙදීම ගැන ඒකාබද්ධ විපක්ෂයත් බෙදිලා – ඩිලාන් පෙරේරා (VIDEO)

0

බලය බෙදීමේ ස්ථාවරය සම්බන්ධයෙන් ඒකාබද්ධ විපක්ෂය ද බෙදී ඇති බව අමාත්‍ය ඩිලාන් පෙරේරා පෙන්වා දෙයි.

ඒකාබද්ධ විපක්ෂයේ වාසුදේව මන්ත්‍රීවරයා වැනි පිරිස් ඒකීය රටක් තුළ බලය බෙදීමට විරුද්ධ නොවන බව ස්ථිර වශයෙන්ම කියා සිටි ඇමැතිවරයා “ඒකාබද්ධ විපක්ෂයේ ගම්මන්පිල මහත්තයා බලය බෙදනවට විරුද්ධයි වාසුදේව මහත්තයා කැමති ඔහෙත් බෙදිල්ලක්නේ” යැයි කියා සිටියේය.

ඒකාබද්ධ විපක්ෂය නියෝජනය කරන කොමියුනිස්ට් පක්ෂය ද පටු දේශපාලන වාසි තකා බලය බෙදීමට විරුද්ධ නොවන බව ඩිලාන් පෙරේරා ඇමැතිවරයා කියා සිටියේ 31 අඟහරුවාදා නව ව්‍යවස්ථාව පිළිබඳව පාර්ලිමේන්තු විවාදයට එක්වෙමිනි.

චන්ද්‍රිකා බණ්ඩාරනායක පාලන සමයේ නව ව්‍යවස්ථා යෝජනාවේ එක්සත් ශ්‍රී ලංකා යෝජනාව සහ බුද්ධාගමට ප්‍රමුඛස්ථානයක් පිළිබඳව යෝජනාවක් නොතිබු බව සිහි කර දුන් ඇමැතිවරයා නමුත් අද ගෙන ඒමට සුදානම් වන ව්‍යවස්ථාවේ එ්කීය වගන්තිය සහ බුද්ධාගමට ප්‍රමුඛස්ථානය දෙන බවට යෝජනා වී ඇති බව කියා සිටියේය.

එම ව්‍යවස්ථාවට විරුද්ධ නොවුන පුද්ගලයන් අද ඉදිරිපත් කර තිබෙන ව්‍යවස්ථා යෝජනාවලියට විරුද්ධ වීම විහිලු සහගත බව ඩිලාන් ඇමැතිවරයා පෙන්වා දුනි.

ඩිලාන්ට, මංගලට කඳුලු ආපු දවස

2015 පෙබරවාරි 04 වනදා ජාතික ගීය දෙමළෙන් ගායනා කරන විට තමන්ට සහ මංගල ඇමැතිවරයාගේ ඇසට කඳුලු ඉනු බව කී ඇමැතිවරයා ජාතික ගීය දෙමළෙන් ගායානා කිරීමට වසර 67 ගතවීම ගැන ලැජ්ජා වන බව ප්‍රකාශ කළේය.

“අපිට අවුරුදු 67 ගියා ජාතික ගීය දෙමළෙන් කියන්න ලැජ්ජයි අපේ සහෝදර දෙමළ ජනතාවගේ භාෂාවෙන් ජාතික දිනයේ ජාතික ගීය කියන්න අවුරුදු 67 ගියා 2015 පෙබරවාරි 04 තමා ඒක කිව්වේ මටයි මංගල ඇමැතිතුමාටයි ඇහැට කඳුලු ආවා” යැයි අමාත්‍ය ඩිලාන් පෙරේරා කියා සිටියේය.

දෙමළ ජනයාට දෙමළ භාෂාව කතා කරන නිසාම ගැටලු ඇති බව අවාධාරණය කල ඇමැති ඩිලාන් පෙරේරා නව ව්‍යවස්ථාවෙන් එම ගැටලු වලට විසඳුම් ලැබෙන ඇති බවට විශ්වාසය පල කළේය.

Facebook Comments

wedding people