යාපනයේ දෙමළ තරුණයකු වෙඩි තබා මරා දැමීම සම්බන්ධව සැකපිට පොලිස් විශේෂ කාර්ය බලකා සෙබලු දෙදෙනෙකු රහස් පොලිසිය විසින් අත්අඩංගුවට ගෙන තිබේ.
යතුරු පැදියකින් ගමන් කරමින් සිටි දොන් බොස්කෝ රිච්මන්ඩ් යාපනය අරියාලෙයි ප්‍රදේශයේ උදයපුරම් හි දී පසුගිය 22 වනදා වෙඩි තබා ඝාතනය කිරීමට සැකපිට 03 සිකුරාදා මොවුන් අත්අඩංගුවට ගත් බවයි පොලිසිය පවසන්නේ.
යාපනය පොලිස් විශේෂ කාර්ය බලකා කඳවුරට අයත් උප පොලිස් පරීක්ෂකවරයකු සහ කොස්තාපල්වරයකු මෙසේ අත්අඩංගුවට ගත් බව පොලිසිය නිවේදනය කරයි.
අත්අඩංගුවට ගත් සැකකරුවන් යාපනය මහේස්ත්‍රාත් වෙත ඉදිරිපත් කිරිමට නියමිත බවයි පොලිසිය වැඩි දුරටත් නිවේදනය කරන්නේ.
Facebook Comments
