මෛත්‍රී සහ මහින්ද අතර ජාතිවාදි සම්මුතියක් ගැන බාහු අනතුරු අඟවයි (VIDEO)

0

ජනපතිවරයාගේ ශ්‍රී ලංකා නිදහස් පක්ෂය යහපාලන සම්මුතින් කඩා දමමින් වැඩ කරන බව මෙන්ම මේ වන විට මෛත්‍රී සහ මහින්ද අතර ජාතිවාදි සම්මුතියක් බිහි වෙමින් ඇති බවට යහපාලන බිහි කිරිමට උර දුන් වාමාංෂික නායකයෙකු අනතුරු අඟවයි.

“නගරාධිපතිවරු සභාපතිවරු තෝරන වෙලාවල් වලදි පොහොටුට්වේ අයට සම්බන්ධ වෙලා ජනාධිපතිතුමාගේ කණ්ඩායම වැඩ කරල තියෙනවා. ඔවුන් අතර සම්මුතියක් හදාගෙන විශේෂ ස්ථාන ගණනාවක්ම ඒගොල්ලො පොහොට්ටුවට අරන් දීල තියෙනවා. යු එන්ප පී එක දිනපු තැන් වල පවා ඒ දොගොල්ලො එකතු වෙලා ජයග්‍රහණය කඩාකප්පල් කරන්න වැඩ කරල තියෙනවා. සම්මුතිය දැන් තියෙන්නෙ රනිල් මෛත්‍රී අතර නෙවෙයි ඊට වෙනස්ව මෛත්‍රී සහ මහින්ද සමඟ තමයි සම්මුතිය එළඹිලා තියෙන්නේ.”

අගමැතිවරයාට එරෙහි විශ්වාස භංගයට ශ්‍රී ලංකා නිදහස් පක්ෂය ජන්ද ප්‍රකාශක කරන බව පවසා ඇත්තේ රනිල් වික්‍රමසිංහ හට විරුද්ධ වීමට නොව එය ජාතිවාදි එක්කාසු වීමක් බවයි නව සම සමාජ පක්ෂ නායක ආචාර්ය වික්‍රමබාහු කරුණාරත්න පෙන්වා දෙන්නේ.

ඇස් ඇරල බලන්න

මුස්ලිම් සහ දෙමළ මන්ත්‍රීවරුන්ට ඇස් හැර බලන ලෙස ඉල්ලා සිටින ආචාර්ය වික්‍රමබාහු මේ මොහොතේ ඔවුන්ගේ යුතුකම වන්නේ රනිල් වික්‍රමසිංහගේ නායකත්වයෙන් යන ගමන ආරක්ෂා කිරීම බව අවධාරණය කළේය.

“ජාතික සමගිය ඇති කරගෙන දුෂ්ඨ වු ජාතිවාදි කෝලහාල මර්ධනය කරගෙන යන්න ඕනේ නම් ඒ ගමන කරන්න පුලුවන් වෙන්නෙ රනිල් වික්‍රමසිංහ මහත්මයා සමඟ තිබෙන බලවේගය ඉදිරියට ගැනීමෙන්” යැයි නව සම සමාජ පක්ෂ නායකයා කියා සිටියේය.

වාමාංෂිකයන් හට මේ මොහොතේ විශාල බලයක් මෙහෙය විය නොහැකි බව කී ආචාර්ය බාහු ලිබරලි නිදහස් ප්‍රජාතන්ත්‍රවාදි බලවේග ක්‍රීයාත්මක වී ජාතිවාදි දුෂ්ඨ ක්‍රියා මාර්ග නවතා දැමිය යුතු බවයි අවධාරණය කරන්නේ.

සුළු ජාතික මන්ත්‍රිවරුන් විශ්වාස භංගයට එරෙහිව තම ජන්දය භාවිතා කිරිමෙන් රට තුල විශාල ප්‍රගතියක් ලබා ගැනීමට සහ ජාතීන් අතර අලුත් සම්මුතියක් ඇති කර ගැනීමට අවකාශ ලබා ගත හැකි බවටයි නව සම සමාජ පක්ෂ නායක ආචාර්ය වික්‍රමබාහු කරුණාරත්න විශ්වාසය පල කරන්නේ.

Facebook Comments