සන්ඩේ ලීඩර් පුවත්පතේ හිටපු ප්රධාන කතෘ ලසන්ත වික්රමතුංග මහතාගේ ඝාතනය සම්බන්ධයෙන් රිමාන්ඩ් භාරයේ පසුවන හමුදා බුද්ධි අංශ සාජන්ට් මේජර්වරයා ඇතුළු බුද්ධි අංශ නිලධාරින් 63 දෙනෙකුගේ ගිණුම් පරික්ෂා කිරීමට ගල්කිස්ස උසාවිය අද රහස් පොලීසියට අවසර ලබාදී ඇත.
අදාළ නඩුව අද කැඳවූ අවස්ථාවේදී රහස් පොලීසිය කළ ඉල්ලීමක් සැලකිල්ලට ගනිමින් සැකකාර කන්දේගෙදර ප්රියවංශ නැමැති හමුදා බුද්ධි අංශ නිලධාරියා ඇතුළු 63 දෙනෙකු ආයතන 32ක පවත්වාගෙන යන ගිණුම් පිළිබඳ වාර්තා ගැනීමට ගල්කිස්ස අතිරේක මහේස්ත්රාත් සුලෝචනා වීරසිංහ මහත්මිය අවසර ලබා දුන්නේය.
මෙම ඝාතන සිද්ධිය ඇසින් දුටු බව කියන සාක්ෂිකරු හඳුනාගැනීමේ පෙරට්ටුවකට අද උසාවියට ගෙනඑනු ලැබුවද ඔහු තවමත් අසනීප තත්ත්වයෙන් සිටි නිසා නඩුව ලබන 25 දක්වා කල්තැබීමටත් ඒ දක්වා සැකකාර හමුදා බුද්ධි අංශ නිලධාරියා රිමාන්ඩ් කිරීමටත් නියෝග කර තිබේ.
Facebook Comments
