හිටපු ආරක්ෂක ලේකම් ගෝඨාභය රාජපක්ෂගේ භීෂණයට ඇති හැකියාව නිසා තම ඔහුට පුදුම බයක් ඇති බව මුදල් හා ජනමාධ්‍ය අමාත්‍යවරයා ප්‍රකාශ කර තිබේ.
මංගල සමරවීර අමාත්‍යවරයා දිගින් දිගම තමන් හට ප්‍රහාර එල්ල කරනු ලබනේ තමන්ගේ දක්ෂතාවයක් පිළිබඳව මනා දැනුමක් ඇති නිසාවෙන් බවට ගෝඨාභය රාජපක්ෂ කර තිබු ප්‍රකාශය පිළිබඳව 22 අඟහරුවාදා පැවති මාධ්‍ය හමුවකදී මාධ්‍යවේදියෙකු ඇමැතිවරයාගෙන් ප්‍රශ්න කල අතර ඇමැතිවරයා හිටපු ආරක්ෂක ලේකම්වරයාගේ ප්‍රකාශ සත්‍ය බව පිළිගත්තේය.
“සන්ඩේ ලීඩර් පුවත්පත් කතෘ ලසන්ත වික්‍රමතුංග මහතා උල් ආයුධයකින් ඝාතනය කිරීම බුදු අම්මෝ බය වෙන්නෙ නැද්ද මේ වගේ ඒවා අහනකොට මේ ගෝඨාභය රාජපක්ෂ” යැයි අමාත්‍යවරයා මාධ්‍යවේදීන් වෙත කියා සිටියේය.
මාධවේදීන් ඝාතනය කිරිම් ඇතුළු රාජපක්ෂ පාලන සමයේ සිදුවු භායනක අපරාධ ලයිස්තුවක් මාධ්‍යවේදීන් හමුවේ තැබු අමාත්‍ය මංගල සමරවීර එම අපරාධ සියල්ලම පිටුපස සිටියේ රටේ සියලු දෙනාම බය විය යුතු හිටපු ආරක්ෂක ලේකම් ගෝඨාභය රාජපක්ෂ බව අවධාරණය කළේය.
අභූත චෝදනා එල්ල නොකොට එල්ල වී ඇති චෝදනා වලින් නිදොස් බව ඔප්පු කිරීමට කටයුතු කරන ලෙස මුදල් හා ජනමාධ්‍ය අමාත්‍ය මංගල සමරවීර ගෝඨාභය රාජපක්ෂගෙන් ඉල්ලීමක් කරන ලදී.
මහින්දට අභියෝගයක්
රටේ ණය බර සම්බන්ධයෙන් ප්‍රසිද්ධ රූපවාහීනි විවාදයකට එන ලෙස ඇමැති මංගල සමරවීර හිටපු ජනපති මහින්ද රාජපක්ෂ හට මාධ්‍ය හමුවේදී ආරාධනා කළේය.
“මහින්ද රාජපක්ෂ මන්ත්‍රීතුමාට කියන්නේ මේ එක එක්කෙනා ලියලා දෙන ප්‍රකාශ කියවන්නෙ නැතුව කරුණාකරලා හිටපු මුදල් ඇමැතිවරයා විදියට සහ වර්තමාන මුදල් ඇමැතිවරයා හැටියටත් අපි දෙන්නා මේ ප්‍රශ්නය ප්‍රසිද්ධ රූපවාහිනි විවාදයකදි සාකච්ඡා කරමු. සමහරු කියනවා මට ඇමැතිවරයෙක් හැටියට මන්ත්‍රීවරයෙක් එක්ක විවාද කරන එක තත්ත්වයට මදි කමක් කියලා නමුත් ඒක මට ප්‍රශ්නයක් නැහැ.”
“මම පොරොන්දු වෙනව ඒ වගේ විවාදයකට එනව නම් මිනිමැරුම් හොරකම් ගැන කතා කරන්නෙ නැහැ. ණය ප්‍රශ්නෙ ගැන විතරක් අපි කතා කරමු” යි ඇමැති මංගල සමරවීර වැඩි දුරටත් කියා සිටියේය.
Facebook Comments
