හිටපු ආරක්ෂක අමාත්‍යංශ ලේකම් ගෝඨාභය රාජපක්ෂ එරෙහිව රාජපක්ෂ පවුල තුළින්ම විරෝධයක් එල්ල වෙමින් පවතින බව රාජ්‍ය පරිපාලන. කළමනාකරණ සහ නීතිය හා සාමය නියෝජ්‍ය අමාත්‍යවරයා කියා තිබේ.
ගෝඨාභය රාජපක්ෂ පිළිබඳ තමන් තුළ ඇති විරෝධය ඔහුගේ සොහොයුරු, හිටපු අමාත්‍ය බැසිල් රාජපක්ෂ විසින් ඝෘජුවම පිට කර ඇති බවයි නලින් බණ්ඩාර නියෝජ්‍ය අමාත්‍යවරයා පෙන්වා දෙන්නේ.
“ගෝඨාභය මහත්තයාට විරුද්ධව ලොකුම කතාව පහුගියදා කිව්වේ බැසිල් රාජපක්ෂ මහත්තයා. බැසිල් රාජපක්ෂ මහත්තයා කිව්වා රතුපස්වල වෙඩිතැබීම සිදුනොවිය යුතු දෙයක් කියා. හලාවත, කටුනායක වෙඩිතැබීම් සිදු නොවිය යුතු දේවල් කියලා. බැසිල් මහත්තයා කිව්වා ඒ දේවල්වලට වග කිව යුත්තේ වෙන කවුරුවත් නෙවෙයි, ගෝඨාභය රාජපක්ෂ කියලා.”
“ඒ විතරක් නෙවේ බැසිල් රාජපක්ෂ මහත්තයා කියනවා මේ වගේ සිදුවීම් නැවත සිදුවිය යුතු නැහැ කියලා. ඒ කියන්නේ එතුමා වක්‍රව කියනවා මේ සිද්ධිවලට වගකිව යුතු අය යළි බලයට ගෙන ආ යුතු නැහැයි කියා. මේකෙන් පැහැදිලි වෙනවා 2020 අපේක්ෂකයා ගැන මහින්ද රාජපක්ෂ පවුල තුළ එහෙමත් නැත්නම්, ඒකාබද්ධ විපක්ෂය තුළ ගැටුමක් ඇතිවෙලා තිබෙන බව.” යැයි නියෝජ්‍ය ඇමැතිවරයා කියා සිටියේය.
එළඹෙන ජනාධිපත්වරණයේ එජාපයේ අපේක්ෂකයා පක්ෂ නායක රනිල් වික්‍රමසිංහ විය හැකි බව පවසන නලින් බණ්ඩාර නියෝජ්‍ය අමාත්‍යවරයා ඒ දැනට සිටින සඳහා සුදුසුම පුද්ගලයා අගමැතිවරයා බවයි වැඩි දුරටත් පෙන්වා දෙන්නේ.
Facebook Comments
