නීතියට පිටින් සැකකරුවන් මරා දැමීම යහපාලනය නොව යමපාලනයේ ලක්ෂණයක් බව යහපාලන රජය බිහි කිරීමට මහත් සේ වෙහෙස වු එක්සත් ජතික පක්ෂ ප්‍රබල අමාත්‍යවරයෙකු කියා සිටී.
මාතරදී කොල්ලකරුවන් හා පොලීසිය අතර සිදුවූ වෙඩි තැබීමකින් පොලිස් කොස්තාපල්වරයෙක් මිය යෑම එම සිදුවීමට සම්බන්ධ සැකකරු ඝාතනය කිරීමෙන් සාධාරණීකරණය කළ නොහැකි බව මුදල් හා ජනමාධ්‍ය අමාත්‍ය මංගල සමරවීර සියි ට්විටර් ගිණුමේ සටහනක් තබමින් කියා තිබේ.
මාතර ප්‍රදේශයේ ස්වර්ණාභරණ අලෙවි සැලක් කොල්ලකෑමට පැමිණි අපරාධකරුවන් පිරිසක් පොලිසිය අත්අඩංගුවට ගත් අතර කොල්ලකරුවන් හා සිදුවු වෙඩි හුවමාරුවේදී පොලිස් කොස්තාපල්වරයෙකු මිය ගිය අතර අත්අඩ’ගුවට ගත් කොල්ල කල්ලියේ නායකයා සඟවා තිබු ආයුධ සෙවීමට ගිය විට පොලිසියට අත් බෝම්බ ප්‍රහාරයක් එල්ල කිරිමට යාමේදී පොලිසිය වෙඩි තබා මර දැමු බව පොලිස් මාධ්‍ය ප්‍රකාශකවරයා කියා සිටියේය.
කෙසේ වෙතත් අපරාධකරුවන් සමග කටයුතු කිරීමේදී නීතිය ක්‍රියාත්මක විය යුතු බවත් වර්තමානයේදී පවතින්නේ යහපාලනය මිසක් යමපාලනයක් නොවන බවයි මංගල සමරවීර අමාත්‍යවරයා අවධාරණය කරන්නේ.
Facebook Comments
