විදේශ ගමන් බලපත්‍ර ලක්ෂ 10ක් ඇණවුම් කරයි

0

දැනට පවතින සියලුම රටවල් සඳහා වූ විදේශ ගමන් බලපත්‍රවල හිඟය මාස දෙකකින් මඟහැරෙනු ඇතැයි ආගමන හා විගමන පාලක ජනරාල්වරයා පවසයි.

අභ්‍යන්තර කටයුතු හා වයඹ සංවර්ධන අමාත්‍ය එස්.බී.නාවින්න සියලුම රටවල් සඳහා වූ විදේශ ගමන් බලපත්‍ර ලක්ෂ 10ක් අලුතෙන් ඇනවුම් කළ යුතු බවට ඉදිරිපත් කල යෝජනාවට කැබිනට් මණ්ඩල අනුමැතිය ලැබී ඇති බවයි පාලක ජනරාල් නිහාල් රණසිංහ පවසන්නේ.

ඒ අනුව නව විදේශ ගමන් බලපත්‍ර ඇනවුම් කිරීම සඳහා වන කටයුතු 28 බ්‍රහස්පතින්දා ආරම්භ කල බවයි ආගමන හා විගමන පාලක ජනරාල්වරයා පෙන්වා දෙන්නේ.

එම ගමන් බලපත්‍ර ලැබෙන තෙක් මැදපෙරදිග සඳහා මුද්‍රණය කොට ඇති ගමන් බලපත්‍රවලට”සියලුම රටවල් සඳහා” යනුවෙන් මුද්‍රාවක් යොදා නිකුත් කරන බවයි රජයේ නිලපුවත් වෙබ් අඩවිය කළ විමසීමක දී ආගමන හා විගමන පාලක ජනරාල් නිහාල් රණසිංහ වැඩි දුරටත් පවසා ඇත්තේ.

Facebook Comments