රාජපක්ෂ පාලනයේදී මෙන්ම යහපාලනයේදීත් පොලිස් අත්අඩංගුවේ සිටින පුද්ගලයන් මරා දැමීම ඉදිරියේදී අයිතිවාසිකම් ඉල්ලා සටන් වදින්නන්ට එරෙහි අවදානමක පෙරනිමිත්තක් බවට සිරකරු අයිතිවාසිකම් සුරැකීමේ කමිටුවේ කැඳවුම්කරු විසින් අනතුරු අඟවයි.
“අයිතිවාසිකම් වෙනුවෙන් සටන් කරන කම්කරුවන්ට, ශිෂ්‍යයන්ට ඉදිරියේදී මේ දේ කරන්න ඉඩ තියෙනවා, අපිට බලාපොරොත්තු වෙන්න පුලුවන් ඒ දේවල් අපිටත්,” යයි වැලිකඩ සිරකරුවන් මරා දැමීම ඇසින් දුටු සාක්ෂිකාර සුදේශ් නන්දිමාල් කියා සිටියේය.
මාතර ස්වර්ණාභරණ අලෙවි හලක් කොල්ල කෑමට පැමිණ වෙඩි තබා පොලිස් නිලධාරියකුද ඝාතනය කොට පලා ගිය බවට සැකකෙරෙන චාමර ඉන්ද්‍රජිත් ජයසුන්දර අත් අඩංගුවට ගැනීමෙන් අනතුරුව පොලිස් වෙඩි පහරින් මරුමුවට පත් වී තිබුනි.
සිද්ධිය සම්බන්ධයෙන් මාතර දිස්ත්‍රික්කයෙන් පාර්ලිමේන්තුවට ආ මුදල් හා ජනමාධ්‍ය අමාත්‍යවරයා පොලිස් වෙඩි තැබීම කෝපයෙන් යුතුව හෙලා දකිමින් පවසා තිබුනේ “මේ යහපාලනය මිස යමපාලනය නොවේ” යි සමාජ මාධ්‍ය ජාල ඔස්සේ නිවේදනයක් නිකුත් කරමින් සිහිපත් කළේය.
අත් අඩංගුවේ සිටි පුද්ගලයකුට වෙඩි තැබීම සම්බන්ධයෙන් පොලිසිය කරන හේතු දැක්වීම ප්‍රතික්ෂේප කරන සිරකරු අයිතිවාසිකම් සුරැකීමේ කමිටුව ඒ සම්බන්ධයෙන් විමර්ශනයක් පවත්වන ලෙස ඉල්ලා පොලිස් කොමිසමට පැමිණිල්ලක් සිදු කර තිබේ.
අපරාධකරුවකුට වුව දඬුවම් කිරීමේ බලයක් පොලිසිය සතුව නැති බව පවසන නීතිඥ සේනක පෙරේරා පොලිසිය එය නොතකා කටයුතු කරන්නේ නම්, “උසාවි වසා, විනිසුරන් විශ්‍රාම යවන්නට” සිදුවන බව වැඩි දුරටත් කියා සිටියේය.
Facebook Comments
