මත්ද්‍රව්‍ය පාලනය සඳහා ත්‍රිවිධ හමුදාවෙහි සක්‍රීය දායකත්වය ලබාගැනීම සඳහා යම් නිශ්චිත කාලයකට ත්‍රිවිධ හමුදාව වෙත නීතිපතිවරයා විසින් නිර්දේශ කරනු ලබන ඇතැම් බලතල පැවරෙන පරිදි මත්ද්‍රව්‍ය පාලනය පිළිබඳ විශේෂ විධිවිධාන පනත් කෙටුම්පත පිළිබඳ යෝජනාව අමත්‍ය මණ්ඩලය විසින් අනුමත කර තිබේ.
ආරක්ෂක අමාත්‍යවරයා ලෙස ජනාධිපති මෛත්‍රීපාල සිරිසේන සහ රාජ්‍ය පරිපාලන හා කළමනාකරණ සහ නීතිය හා සාමය පිළිබඳ අමාත්‍ය රංජිත් මද්දුම බණ්ඩාර විසින් ඒකාබද්ධ යෝජනාවක් ලෙස අමාත්‍ය මණ්ඩලයට මෙම යෝජනාව ඉදිරිපත් කර ඇත.
මත්ද්‍රව්‍ය ජාවාරම වඩාත් සර්ථකව මැඩපැවැත්වීම සඳහා ත්‍රිවිධ හමුදාවේ සහ පොලිස් විශේෂ කාර්ය බලකායේ සක්‍රීය දායකත්වය වැඩිවශයෙන් ලබාගැනීම මෙම යෝජනාවෙන් බලාපොරොත්තු වන බවයි රජය පවසන්නේ.
මේ අතර අතර මත් කුඩු ජාවාරමට සම්බන්ධය පුද්ගලයින් හට මරණීය දඬුවම ලබා දීම සඳහා ජනාධිපතිවරයා විසින් කැබිනට් මණ්ඩලයට ඉදිරිපත් කල යෝජනවාද සම්මත වු බව කැබිනට් මාධ්‍ය ප්‍රකාශ රාජිත සේනාරත්න අමාත්‍යවරයා කියා සිටියේය.
කැබිනට් මණ්ඩලයේ සියලු දෙනා එම යෝජනාව ඒකමතිකව අනුමත කල බවද අමාත්‍යවරයා වැඩි දුරටත් සඳහන් කළේය.
Facebook Comments
