වැලිකඩ බන්ධනාගාරයේ කාන්තා රැඳවියෙකු හදිස්සියේ මිය යාම සැක සහිත බවට චෝදනා කරන බන්ධනාගාර රැඳවියන්ගේ අයිතිවාසිකම් සුරැකීමේ කමිටුව ඒ පිළිබඳව පැමිණිල්ලක් ඉදිරිපත් කර තිබේ.
මිය ගොස් ඇත්තේ පසුගියදා බන්ධනාගාරය තුල විරෝධතාවයේ නිරත වු කාන්තා රැඳවියෙකු බව බන්ධනාගාර රැඳවියන්ගේ අයිතිවාසිකම් සුරැකීමේ කමිටුවේ සුදේශ් නන්දිමාල් මරණය සැක සහිත බවට බොරැල්ල පොලිසියට පැමිණිළි කිරිමෙන් අනතුරුව මාධ්ය වෙත කියා සිටියේය.
කාන්තා රැඳවිය විරෝධතාවය අතරතුර බන්ධනාගාර නිලධාරින් සමඟ ගැටුමෙන් තුවාල ලබා වැලිකඩ බන්ධනාගාර රෝහලේ ප්රතිකාර ලබා ගනිමින් සිටියදී 24 සිකුරාදා මෙසේ මිය ගොස් ඇත.
කෙසේ වෙතත් බන්ධනාගාර මාධ්ය ප්රකාශක බන්ධනාගාර කොමසාරිස් තුෂාර උපුලදෙණිය පවසන්නේ රැඳවිය ජීවිතක්ෂයට පත්වීම සහ පසුගියදා බන්ධනාගාරය තුල ඇතිවූ නොසන්සුන්කාරි වාතාවරණය අතර කිසිදු සම්බන්ධයක් නොමැති බවයි.
හදිසියේ වැළඳුනු හෘදයාබාධයක් හේතුවෙන් කාන්තා රැඳවියක් රෝහල වෙත රැගෙන යන අතරතුර ජීවීතක්ෂයට පත්වූ බවයි බන්ධනාගාර මාධ්ය ප්රකාශකවරයා වැඩි දුරටත් පවසන්නේ.
Facebook Comments
