ආපදා අවදානම අනුව 98 වන ස්ථානයේ සිටි ශ්‍රී ලංකාවේ මේ වන විට එම අනුපිළිවෙලෙහි හතර වන ස්ථානයට පත්ව ඇතැයි වාරි මාර්ග, ජල කළමනාකරණ හා ආපදා කළමනාකරණ රාජ්‍ය ඇමැතිවරයා පවසයි.
ශ්‍රී ලංකාවට බලපා ඇති මෙම ආපදා අවදානම හමුවේ ඊට මුහුණ දීමේ අවස්ථාවන් ප‍්‍රවර්ධනය කරන අතරම ඒ කෙරෙහි රජය මූලික අවදානයක් යොමු කර ඇති බව පවසන රාජ්‍ය අමාත්‍ය පාලිත රංගේබණ්ඩාර සමස්ත රාජ්‍ය යාන්ත‍්‍රණය ඊට සූදානම් කිරීම හා සමානව ජනතාවද සූදානම් කිරීම සඳහා වූ පුළුල් වැඩපිළිවෙලක් සම්පාදනය කර ඇති බවයි පෙන්වා දෙන්නේ
මෙරට තුළ ඇතිවන බලපෑම් මෙන්ම ඊටත් වඩා පිටත රාජ්‍යවල හා අවට මුහුදේ සිදුවිය හැකි භූ කම්පනවල බලපෑම තදින් එල්ල විය හැකි රටක් ලෙස ශ්‍රී ලංකාව හදුනාගෙන ඇති බැවින් භූ කම්පන හා ඒ මතින් ඇතිවන සුනාමි අවදානම් පිළිබඳ වැඩි අවදානයක් යොමු කිරීමට සිදුව ඇති බව අමාත්‍ය පාලිත රංගේ බණ්ඩාර වැඩි දුරටත් පෙන්වා දී ඇත.
ශ්‍රී ලංකාවේ ආපදා අවදානමක් තත්ත්වයේ ඉහල යාමක් ඇති බව පෙන්වා දී තිබු ලෝක බැංකුව එම නිසාවෙන් මෙරට ආර්ථිකයට බලපෑම් එල්ල විය හැකි බවට අනතුරු අඟවා තිබුණි.
Facebook Comments
