ශ්‍රී ලංකා රජය සංක්‍රාන්ති ලිංගිකයින්ගේ අයිතිවාසිකම් ආරක්ෂා කිරීමට පියවර ගත යුතුව ඇති බව “හියුමන් රයිට් වොච්”සංවිධානය පෙන්වාදෙයි.
ලංකාවේ සංක්‍රාන්ති ලිංගිකයින් මුහුණ දෙන ගැටලු සම්බන්ධව පිටු 63 කින් යුත් වාර්තාවක් ඉදිරිපත් කරමින් හියුමන් රයිට් වොච් සංවිධානය කියා සිටින්නේ සංක්‍රාන්ති ලිංගිකයන්ට රැකියා සඳහා ප්‍රවේශවීමේදී, නිවෙස තුළ මෙන්ම සෞඛ්‍ය පහසුකම් ලබා ගැනීමේදීත්, අපචාරයන්ට ගොදුරුවීමත්,ඔවුන්ව පහත්කොට සැලකීම වැනි විවිධ ගැටළුවලට මුහුණදීමට සිදුවන බවයි.
මෙම වාර්තාව සදහා සමලිංගික, ද්විලිංගික, සංක්‍රාන්ති ලිංගික හා අතරමැදි ලිංගිකයන් 61 දෙනකු සමග සම්මුඛ සාකච්ඡා පවත්වා ඇති බවයි හියුමන් රයිට් වොච් සංවිධානය පවසන්නේ.
සියලුම ශ්‍රී ලාංකිකයින්ට තම ලිංගික අනන්‍යතාව හෝ ලිංගික නැමියාව නොතකා පහත්කොට සැලකීමට හෝ අපචාරයට ලක්නොවී සිටීමට අයිතියක් ඇති බව මෙම වාර්තාවේ සංස්කාරක යුරාජ් ජෝසි කියා සිටිනවා.
ලිංගික විපර්යාසයන්ට භාජනය වූ පුද්ගලයින් සම්බන්ධයෙන් ලංකාවේ නිතිය පැහැදිලි නොමැති බවත්,හැඳුනුම්පත් ඇතුළු ජාතික ලියකියවිලි සකස් කර ගැනීමේදී ඔවුන් බලවත් අසීරුතාවට පත්වන බවත් හියුමන් රයිට් වොච් සංවිධානය මෙම වාර්තාව මඟින් අවධාරණය කරනවා.
Facebook Comments
