පාර්ලිමේන්තුවේ සම්මත උනේ ජනපතිට ඕනෑ විශ්වාස භංගය නොවේ ලු

0
951
wedding people
Loading...

ජනාධිපතිවරයාගේ ඉල්ලීම පරිදි මහින්ද රාජපක්ෂට එරෙහිව ඉදිරිපත් කරන ලද විශ්වාස භංග යෝජනාව සම්මත වු ආකාරය පිළිනොගන්නා බව ජනාධිපතිවරයා ප්‍රකාශ කර තිබේ.

මහින්ද රාජපක්ෂට එරෙහිව 16 සිකුරාදා සම්මත කර ගන්නා ලද විශ්වාස භංග යෝජනාව ස්ථාවර නියෝග උල්ලංඝන කරමින් සම්මත කර ඇති බව ජනපති පැවසු බව ලක්ෂ්මන් යාපා මන්ත්‍රීවරයා පවසයි.

“මේ කරපු විදිය වැරදී කිව්වා පාර්ලිමේන්තුවේ. ඊයේ කියපු විදියට නෙමෙයි කිව්වා වැඩේ කෙරුවේ. ස්ථාවර නියෝග වලට අනුව කටයුතු කරල නැහැ කියල කිව්වා. ජනපතිතුමාගේ පලවැනි ඉල්ලීම ඉටු කරලා නැහැ කිව්වා ඒ නිසා අද ජන්දෙ වලංගු නැහැ කිව්වා,” යි මන්ත්‍රීවරයා ජනපති සමඟ පැවති සාකච්ඡාවකින් අනතුරුව මාධ්‍ය වෙත කියා සිටියේය.

පළමු වරට මහින්ද රාජපක්ෂට එරෙහි 14 අඟහරුවාදා විශ්වාස භංග යෝජනාවක් ඉදිරිපත් කර සම්මත කර ගන්න ලද මුත් ජනාධිපතිවරයාගේ ඉල්ලීම පිට එහි වගන්ති කිහිපයක් සංශෝධනය කර 16 සිකුරාදා සම්මත කර ගන්නා ලද්දේ මහින්ද රාජපක්ෂ පාර්ශවයේ මන්ත්‍රීවරුන්ගේ පහර දීම් මැද්දේය.

ඡන්ද විමසීම මන්ත්‍රී වරුන්ගේ නමින් සිදු කරන ලෙසට ජනපති මෛත්‍රීපාල සිරිසේන විසින් ඉල්ලා තිබුණද ඒකාබද්ධ විපක්ෂ මන්ත්‍රීවරුන් පාර්ලිමේන්තුව ආරම්භ කිරීමටත් පෙර සිටම එම කටයුතු වලට බාධා කිරිම නිසාවෙන් පළමු වර මෙන් මෙවරද හඬ අනුව ජන්දය ලබා ගත් බව කතානායකවරයා ජනපතිට ලිඛිතව දන්වා තිබුණි.

රනිල් වික්‍රමසිංහ සමඟ ඉදිරියට ආණ්ඩු නොකරන බව ජනපති පැවසු බව කී ලක්ෂ්මන් යාපා අබේවර්ධන විශ්වාස භංගයට සහාය දුන් පක්ෂ නායකයන් සමඟ ජනාධිපතිවරයා පැවැත්වු සාකච්ඡාවේ කරුණු ඔවුන් විසින් විකෘති කොට ඇති බව වැඩි දුරටත් කියා සිටියේය.

කෙසේ වෙතත් මෙම සාකච්ඡාවට මහින්ද රාජපක්ෂ සහභාගී වී නොමැති බවයි ජනාධිපති ලේකම් කාර්යාල ආරංචි මාර්ග පවසන්නේ.

Facebook Comments

Loading...