ජනාධිපතිවරයාගේ කැමැත්ත පරිදි අගමැති ධුරයට පත් කරන ලද මහින්ද රාජපක්ෂ ඇතුළු කැබිනට් මණ්ඩලයට එරෙහිව අධිකරණයට තීන්දු ලබා දීමට හැකි වුයේ ජනතා බලය හමුවේ බව එම ව්‍යවස්ථා කුමන්ත්‍රණයට එරෙහිව සටන් වැදුන වාමාංෂික නායකයෙකු ප්‍රකාශ කර තිබේ.
සිරිසේන රාජපක්ෂ ව්‍යවස්ථා කුමන්ත්‍රණයට හා ජාතිවාදයට එරෙහිව මෙවන් ජනතා නැගිටීමක් තමන් කිසිඳා දැක නොමැති බවට ආචාර්ය වික්‍රමබාහු කරුණාරත්න කියා සිටියේ “ෆැසිස්ට්වාදයට එරෙහි ප්‍රජාතන්ත්‍රවාදී අරගලය” යන තේමාව යටතේ 30 ඉරිදා කොළඹ දී මුළු දුන් නව සම සමාජ පක්ෂ 41 වන සංවත්සරයේ ප්‍රධාන දෙසුම පවත්වමිනි.
“පැහැදිලිව ජනතාවගේ බලය ප්‍රකාශ වෙනකොට හැමෝම සරෙන්ඩර් වුනා. අධිකරණයත් හරි ගැස්සුණා. අධිකරණය අහසේ ඉඳල හරි තීන්දු දුන්නේ නැහැ. ජනතාවගේ බලය දිහා බලල ජනතාවගේ බලයට මට්ටු වෙලා තමයි අධිකරණය තීන්දු දුන්නේ.ඒ නිසා අධිකරණය පවා හරිගැස්සුවේ ජනතාව.” යැයි නව සම සමාජ පක්ෂ නායකයා පැවසීය.
කෙසේ වෙතත් එම කුමන්ත්‍රණයට එරෙහි ජනතා අරගලයෙන් බැහැරව සිටි වාමාංෂිකයින් කට්ටිවාදීන් ලෙස හැඳින්වු ආචාර්ය වික්‍රමබාහු කරුණාරත්න ඔවුන් අද වන විට සුන් බුන් ගොඩට විසි වී ඇති බව වැඩි දුරටත් සඳහන් කළේය.
Facebook Comments
