ශ්‍රී ලංකාවේ යෝජිත නව ව්‍යවස්ථාව විදෙස්ගත දෙමළ ඩයස්පෝරාවේ අන්තවාදීන්ගේ බලපෑමකින් තොරව සම්මත කර ගත හැකි බවට දෙමළ ජාතික සන්ධානය සහතික වී තිබේ.
මෙරටට පැමිණ සිටින යුරෝපා පාර්ලිමේන්තුවේ මන්ත්‍රී ජෙෆ්රි වැන් ඕර්ඩන් හමුවු අවස්ථාවේ ආර්.සම්බන්ධන් පවසා ඇත්තේ අන්තවාදී බලවේග වලට එරෙහිව දෙමළ ජනතාව තීරණාත්මකව ජන්දය භාවිතා කර ඇති බවයි.
ඩයස්පෝරාවේ අන්තවාදී කොටසක ආකල්ප හා ක්‍රියාකාරකම් අපේ තීන්දු වලට කිසිඳු බලපෑමක් ඇති කරන්නේ නැතැයි දෙමළ සන්ධාන නායකයා පැවසු බවයි එම සන්ධානයේ මාධ්‍ය ඒකකය නිවේදනය කරන්නේ.
සෑම ප්‍රදේශිය මැතිවරණයකදීම දෙමළ ජනතාව නිරන්තරයෙන්ම තීරණත්මක එවන් අන්තවාදීන්ව පරාජය කල බව ද ආර්. සම්බන්ධන් පවසා තිබේ.
විදෙස්ගත ඩයස්පෝරාවේ අන්තවාදී බලවේග සංඛ්‍යාත්මකව කුඩා බව පවසා ඇති එම්.ඒ. සුමන්තිරන් මන්ත්‍රීවරයා නිසියාකාර බලය බෙදන සැලසුමක් වේ නම් එයට සහාය දීමට ඩයස්පෝරාවේ විශාල කොටසක් සුදානම් බව වැඩි දුරටත් යුරෝපා පාර්ලිමේන්තු නියෝජිතයා හමුවේ ප්‍රකාශ කර ඇත.
Facebook Comments
