යුද අපරාධ පිළිගන්නා ජවිපෙ ජාත්‍යන්තර අධිකරණයට විරුද්ධ වෙයි

0
364
wedding people
Loading...

මහින්ද රාජපක්ෂ පාලන සමයේ උතුරේ දියත් කල යුද්ධයෙන් යුද අපරාධ සිදුව ඇති බව පිළිගෙන ඇති ජනතා විමුක්ති පෙරමුණ ජාත්‍යන්තර අධිකරණයක් හරහා යුක්තිය ඉටු කිරීමට දැඩිව විරෝධය පළ කර තිබේ.

එම කෙලෙසීම් පිළිබඳව විමසීමේ අයිතියක් සියලුම අවංක හා ප්‍රගතිශීලී ජාත්‍යන්තර සංවිධානවලට ඇති බව ජවිපෙ පාර්ලිමේන්තු මන්ත්‍රී බිමල් රත්නායක විදේශ අමාත්‍යංශ වැය ශීර්ෂය පිලිබඳ පාර්ලිමේන්තු විවාදයට සහභාගී වෙමින් පැවසීය.

ඒ සියලු අපරාධ සම්බන්ධයෙන් යුක්තිය ඉටු කළ යුතු යැයි පිළිගත් ජවිපෙ මන්ත්‍රීවරයා, එසේ වෙතත්, “අපේ ස්වෛරීත්වයට මැදිහත්වීමට තියෙන අයිතිය” ප්‍රතික්ෂේප කරන බව පවසමින් ජාත්‍යන්තර අධිකරණයක් මගින් යුක්තිය විනිශ්චය කිරීමට දැඩි සේ විරෝධය පල කළේය.

ජනතා විමුක්ති පෙරමුණෙහි ද සහායෙන් දියත් කල යුද්ධයෙන් අවම වශයෙන් සිවිල් වැසියන් හැත්තෑ දහසක් මිය යන්නට ඇති බවට එක්සත් ජාතීන්ගේ සංවිධානය ගණන් බලා ඇත.

ආණ්ඩුව‍ට උපදෙසක්

ශ්‍රී ලංකා රජයේ හමුදා චෝදනා ලබන අතුරුදහන් කිරීම් සහ ලිංගික අපරාධ ඇතුළු වධහිංසා පැමිණවීම් ඇති විශාල සංඛ්‍යාවක් පිලිබඳ තොරතුරු ද ජගත් සංවිධානය ඇතුළු මානව හිමිකම් සංවිධාන විසින් වාර්තා කර තිබේ.

ජනාධිපතිවරයා විසින් නීති විරෝධී ලෙස පාර්ලිමේන්තුව අවහිර කිරීමේදී ශ්‍රේෂ්ඨාධිකරණය ක්‍රියා කළ ආකාරය පෙන්වා දෙමින් දේශීය අධිකරණ ක්‍රියාදාමයට “ලංකාවේ ප්‍රශ්නය ලංකාවේ බේරාගන්න පුළුවන්” බව ඉදිරි මාර්තුවේ පැවැත්වෙන 40 වැනි ජගත් මානව හිමිකම් සමුළුවේදී ජාත්‍යන්තරයට කියා දෙන ලෙස බිමල් රත්නායක මන්ත්‍රීවරයා විදේශ අමාත්‍යවරයාට උපදේශයක්ද ලබා දුන්නේය.

එක්සත් ජාතීන්ගේ මානව හිමිකම් මණ්ඩලය සමග හවුලේ රජය සම්මත කරගත් ජිනීවා යෝජනාවේ දැක්වෙන පරිදි ශ්‍රී ලංකාවේ යුද්ධයේ සිදු කරන ලද අපරාධ සම්බන්ධයෙන් විභාග කරන විශේෂ අධිකරණයට විදෙස් විනිසුරන් ද සහභාගි කර ගත යුතුය.

Facebook Comments

Loading...