ලංකාවේ යුද්ධයෙන් මළවුවන් ගැන ජාත්‍යන්තරයෙන් සංගණනයක්

0
203
wedding people
Loading...

ශ්‍රී ලංකාවේ යුද්ධයෙන් මියගිය ජනකාය ගණන් බැලිමේ අරමුණින් ජාත්‍යන්තර සංවිධාන දෙකක් එක්ව සංගණයක් ආරම්භ කර තිබේ.

යුද්ධය අවසන් වී දශකයක් සපිරෙන මොහෙතේ දී ඇමරිකා එක්සත් ජනපදයේ සැන් ෆ්‍රැන්සිස්කෝ නුවර මූලස්ථාන කොටගත් මානව හිමිකම් දත්ත විශ්ලේෂක සමූහය (HRDAG) සංගණනයට මුල පුරා ඇත්තේ ජගත් මානව හිමිකම් නීතිවේදිනී යැස්මින් සූකාගේ නායකත්වයෙන් යුත් ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) හා එක් වෙමිනි.

එම සංවිධාන දෙක විසින් පසුගිය මාසයේ ගණනය කර තිබූ පරිදි ශ්‍රී ලංකාවේ යුද්ධයේ අන්තිම පැය 48 තුල පමණක් අතුරුදහන් වූ සංඛ්‍යාව 500 ඉක්මවයි.

ජාත්‍යන්තර අපරාධ අධිකරණ වලට සාක්ෂි ගොනු කිරීම සම්බන්ධයෙන් විශේෂඥතාවක් උසුලන සම්මානලාභී විද්‍යාඥ කණ්ඩායම දශක තුනකට ආසන්න කාලයක් ගෝතමාලා කොලොම්බියා,කොසොවෝ, සියරා ලියොන් සහ නැගෙනහිර තිමෝරය ඇතුළු රටවල් ගණනාවක පර්යේෂණ සිදුකර ඇත.

තොරතුරු දෙන්න

මානව හිමිකම් වලට අදාළ දත්ත එකතු කර විමර්ශනය කිරීමේ ප්‍රාගුන්‍යයෙන් යුත් ගණිතඥයන් සහ සංඛ්‍යාලේඛන විශේෂඥයන්ගෙන් සැදුම් ලත් එම කණ්ඩාය විසින් එසේ එක් රැස් කරන ලද තොරතුරු සත්‍ය කොමිසම්, ජාත්‍යන්තර අපරාධ විනිශ්චය සභා සහ රාජ්‍ය නොවන සංවිධානවිසින් ප්‍රයෝජනයට ගෙන තිබේ.

යුද්ධයෙන් මළවුන් ගණනය කිරීමේ ව්‍යාපෘතියට සහාය වන ලෙස ශ්‍රී ලංකාව තුල මෙන්ම ඉන් පිටතත් සිටින සංවිධාන සහ පුද්ගලයන්ට ආයාචනයක් කරන HRDAG හා ITJP ඒ සඳහා දැනට තිබෙන හානියට පත් අයගේ ලැයිස්තු ලබා දෙන ලෙස මෙන් සහ අලුතින් තොරුතුරැ එක් රැස් කරන ලෙසත් ඉල්ලා සිටී.

“මේ ව්‍යාපෘතියේ අරමුණ වන්නේ අපට නමින් හඳුනා ගතහැකි පුද්ගලයන් මෙන්ම නම් කළ නොහැකි අඳුරු සංඛ්‍යාව ද ඇතුළුව මරණයට ලක්වූ සංඛ්‍යාවේ පරිමාණය තීරණය කිරීමයි,”යනුවෙන් එම සංවිධානයේ පර්යේෂණ අධ්‍යක්ෂ ආචාර්ය පැට්‍රික් බෝල් පවසන අතර “නඩු විභාග වලදී සත්‍ය කොමිසම් වලදී සහ මළවුන් සම්බන්ධ තිරසාර අනුස්මරණයක් තහවුරු කිරීමේදී එම කටයුත්ත ඉතා වැදගත් වෙයි.” යැයි පෙන්වා දෙයි

මියගිය සංඛ්‍යාව

එක්සත් ජාතීන්ගේ සංවිධානය විසින් ගණන් බලා ඇති පරිදි යුද්ධයෙන් මියගිය සංඛ්‍යාව හතලිස් දහසත්, හැත්තෑ දහසත් අතර වෙයි.

ශ්‍රී ලංකාවේ ජනාධිපතිවරයා පත් කළ උගත් පාඩම් හා සංහිඳියා කොමිසමට මන්නාරම හිටපු රදගුරු රායප්පු ජෝසප් පියතුමා දුන් විස්තර අනුව ආගිය අතක් නොමැති සංඛ්‍යාව 140 ඉක්මවයි.

ආණ්ඩුව පවසන පරිදි ශ්‍රී ලංකා සන්නද්ධ සේනා උතුරේ දියත් කළ ප්‍රහාරයෙන් සාමාන්‍ය වැසියන් කිසිවකුත් මියගොස් නැත.

“මේ තරම් වසර ගණනක් ගතවීත් ඇත්ත මරණ සංඛ්‍යාව දැනගැනීම කරා ලඟා වීමටවත් අපට නොහැකි වීම මහත් කම්පාවට කාරණයකි.” ITJP විධායක අධ්‍යක්ෂිකා යැස්මින් සූකා පැවසුවාය.

[email protected] හෝ [email protected] ඊමේල් ඔස්සේ විස්තර එවන ලෙස ඉල්ලා සිටින එම සංවිධාන දෙක තොරතුරු වල මුලාශ්‍ර සහ විස්තර සපයන්නන් පිළිබඳ කරුණු රහසිගතව තබාගන්නා බවට සහතික වෙයි.

Facebook Comments

Loading...