බණ්ඩාරනායක ප්‍රතිපත්තීන්ට පටහැනි පොහොට්ටු පක්ෂයේ ජාතිවාදයට යට නොවීය බවට ශ්‍රී ලංකා නිදහස් පක්ෂය සුරැකීමේ සංවිධානය ජනපතිට දන්වා තිබේ.
ශ්‍රී ලංකා පොදුජන පෙරමුණ සමඟ සන්ධාන ගත වන්නේ නම් ශ්‍රී ලංකා නිදහස් පක්ෂය ආරක්ෂා කරගනිමින් බණ්ඩාරනායක ප්‍රතිපත්ති ඔස්සේ ඉදිරියට යා යුතු යැයි ජනපතිට දැන්වු බව ශ්‍රීලනිප සංවිධායක යූ.ජී. ආරියතිලක මාධ්‍ය වෙත කියා සිටියේය.
බණ්ඩාරනායක ප්‍රතිපත්තියෙන් තොර ශ්‍රීලනිපයකට අනාගතයක් නොමැති බව ජනපති හට පෙන්වා දී ඇති එම කමිටුව ජාතිවාදී අදහස් ඇති පොහොට්ටුවේ ප්‍රතිපත්ති ඉදිරියට ගෙනගියහොත් එයින් රටට යහපතක් සිදු නොවන බව ද අවධාරණය කර ඇත.
ශ්‍රීලනිපය ආරක්ෂා කරගැනීම සඳහා කරුණු 05කින් යුත් ප්‍රතිපත්ති මාලාවක් ද තමන් පක්ෂ සභාපති ජනපති මෛත්‍රීපාල සිරිසේන හට බාර දුන් බවට මාධ්‍ය හමුවට එක්වු ශ්‍රීලනිප ආසන සංවිධායකවරුන් සඳහන් කෙළ්ය.
Facebook Comments
