රාජපක්ෂ පිල නියෝජනය කරන පිරිස් නිර්මාණය කරන ලද දේශපාලන අර්බුදය හේතුවෙන් බලාපොරොත්තු නොවුන අය වැයක් ඉදිරිපත් කල නිසා එම කණ්ඩායම අය වැයට පහර ගසමින් සිටින බව වාමාංෂික නායකයෙකු පෙන්වා දී තිබේ.
පනස් දවසකට වැඩි කාලයක් මෙරට ඇති කරන ලද දේශපාලන කුමන්ත්‍රණය හේතුවෙන් රටේ ආර්ථිකයට පහර වැඳුන නමුත් එම අර්බුදය මැද ඉදිරිපත් කර ඇති අය වැය සාධනීය බවයි ආචාර්ය වික්‍රමබාහු කරුණාරත්න පවසන්නේ.
“විපක්ෂයේ නායකයෝ හිතාගෙන හිටියේ කිසිම විදියකින් මංගල සමරවීර අය වැයක් ඉදිරිපත් කරන්න හැකි වෙන එකක් නැහැ කියලා. නමුත් ගැඹුරු අර්බුද මැද්දේ අය වැයක් ඉදිරිපත් කරල කටයුතු කිරීම නිසා රජයේ ස්ථාවරත්වයට සහතියක් ලැබුණා.” යි නව සම සමාජ පක්ෂ නායකයා පැවසීය.
අය වැයේ ඇති ඇත්ත වටිනාකම් සඟවමින් විපක්ෂයේ පිරිස් එයට පහර දෙමින් සිටින්නේ එම නිසාවෙන් බව ආචාර්ය වික්‍රමබාහු කරුණාරත්න 14 බ්‍රහස්පතින්දා පැවති මාධ්‍ය හමුවකදී කියා සිටියේය.
මෙවර අය වැයෙන් ඉහල පැලැන්තියෙන් වැඩි ආදායමක් ලබා ගන්න බලාපොරොත්තු වන බව මෙන්ම සමාන්‍ය ජනයා වෙතද යම් බදු බරක් පටවා ඇති බව ද නව සම සමාජ පක්ෂ නායකයා ආචාර්ය වික්‍රමබාහු කරුණාරත්න වැඩි දුරටත් සඳහන් කළේය.
Facebook Comments
