විධායක ජනාධිපති ධුරය අහෝසි කිරීම සම්බන්ධව ජනතා විමුක්ති පෙරමුණ හා අගමැතිවරයා අතර විශේෂ සාකච්ඡාවක් පැවැත්වීමට නියමිතව ඇත.
එම හමුව 22 සිකුරාදා පාර්ලිමේන්තුවේදී පැවැත්වීමට නියමිත බවයි ජවිපෙ ප්‍රචාරක ලේකම් පාර්ලිමේන්තු මන්ත්‍රී විජිත හේරත් පවසන්නේ.
මෙම සාකච්ඡාව සඳහා ජනතා විමුක්ති පෙරමුණු පාර්ශ්වයෙන් එහි නායක පාර්ලිමේන්තු මන්ත්‍රී අනුර කුමාර දිසානායක, පාර්ලිමේන්තු මන්ත්‍රී විජිත හේරත් හා පාර්ලිමේන්තු මන්ත්‍රී සුනිල් හඳුන්නෙත්ති සහභාගී වීමට නියමිතය.
20 ව්‍යවස්ථා සංශෝධනය සම්බන්ධව ජනතා විමුක්ති පෙරමුණ විපක්ෂ නායක හා මහින්ද රාජපක්ෂ හා දෙමළ ජාතික සන්ධාන නායකයන් ආර්. සම්බන්ධන් සමඟ ද සාකච්ඡා පවත්වා තිබේ.
Facebook Comments
