ළමා අපචාර චෝදනාවට චුදිත හිමි ඇමැතිවරුන්ට පන්සල තහනම් කරති

0

අමාත්‍යවරුන් තිදෙනෙකුට ගම්පහ ප්‍රදේශයේ කිසිඳු විහාරස්ථානයකට වැද්ද නොගැනීමට තීරණයක් ලබාදුන් සංඝ සමුළුවේ ප්‍රධානත්වය ගෙන ඇත්තේ බාල වියේ දැරියකට ලිංගික අතවර කිරීමේ චෝදනා වලට විදෙස් අධිකරණයකින් වැරදිකරු කෙරුන බෞද්ධ හිමි නමක් බව හෙළිව තිබේ.

පහලගම සෝමරතන නාහිමියන් ලන්ඩන් තේම්ස් බෞද්ධ විහාරාධිපතිව කටයුතු කරන සමයේ 1970 වේ දශකයේ බටහිර ලන්ඩනයේ චිස්වික් පළාතේදී බාල වියේ දැරියකට ලිංගික අතවර කිරීමේ චෝදනා හතරකට එහිමියන් වැරදිකරු බවට 2012 වසරේ දී එරට අධිකරණය තීන්දු කළේය.

පහලගම සෝමරතන හිමියන් ගේ නම දින නියමයකින් තොරව ලිංගික අපයෝජකයන් ගේ නාම ලේඛනයට ඇතුලත් කරන මෙන්ද තීන්දුව ලබා දෙමින් විනිසුරුවන් නියෝග කර තිබුනි.

මතුවට සෝමරතන හිමියන්ට ළමුන් සම්බන්ධ කිසිම කාර්යයකට සම්බන්ධ වීමද තහනම් කර ලදී.

එහිමියන්ගේ ප්‍රධානත්වයෙන් 04 අඟහරුවාදා රැස්වු ගම්පහ ශාසනාරක්ෂක බලමණ්ඩලයේ විහාරාධිපති සංගමය මහා සංඝරත්නයට අපහාස වන ලෙස ප්‍රකාශ සිදුකළ යැයි පවසමින් අමාත්‍යවරුන් වන මංගල සමරවීර සහ රාජිත සේනාරත්න මෙන්ම චතුර සේනාරත්න මන්ත්‍රීවරයා ගම්පහ ප්‍රදේශයේ කිසිඳු විහාරස්ථානයකට වද්දා නොගැනීමට තීන්දු කර ඇත.

අමාත්‍යවරුන් තිදෙනා ගම්පහ ප්‍රදේශයෙහි කිසිඳු විහාරස්ථානයකට ආගමික හෝ වෙනත් කිසිඳු උත්සවයක් සඳහා සහභාගි නොකර ගැනීමට ඒකමතිකව ගම්පහ ශාසනාරක්ෂක බලමණ්ඩලයේ විහාරාධිපති සංගමය විසින් තීන්දු කළ බව ගම්පහ ප්‍රාදේශීය හා දිස්ත්‍රික් ශාසනාරක්ෂක බලමණ්ඩලයේ ලේකම් තෝරපිටියේ ආනන්ද නාහිමියෝ මාධ්‍ය වෙත කියා සිටියේය.

මේ අතර තමන්ට පැනවු සංඝ තහනම ගැන ට්ව්ටර් සටහනක් තබමින් බුදුන් විසින් තමන් ඝාතනය පැමිණි දේවදත්තට පවා විහාරස්ථාන වලට ඇතුළු වීම තහනම් නොකළ බවට මංගල සමරවීර අමාත්‍යවරයා සිහිපත් කර දී තිබේ.

 

Facebook Comments

wedding people