පුරවැසි භාවය හා හැඳුනුම්පත නීත්‍යානුකුල නොවන ආකරයට සකසා ගත් පුද්ගලයෙකු රටේ අනාගත ජනපති ධුරයට පත් කරනවා දැයි ආණ්ඩු පක්ෂික අමාත්‍යවරයෙකු ප්‍රශ්න කර සිටී.
ගෝඨාභය රාජපක්ෂ ආරක්ෂ ලේකම් ධුරය දරන සමයේදී ඔහුගේ විදෙස් ගමන් බලපත්‍රය හා ජාතික හැඳුනුම්පත සිය බලතල අවභාවිතා කරමින් නීති විරෝධී ලෙස කටයුතු කළ බවටයි සුව ඇමැති රාජිත සේනාරත්න චෝදනා කරන්නේ.
“පුරවැසි භාවය හරියට නැති, අයිඩෙන්ටි කාඩ් එකක් හරි නැති මිනිහෙක්, මේ ඔක්කොම හොරට තියෙන මිනිහෙක් තමයි අනාගත ජනාධිපතිකම ඉල්ලන්නෙ.දෙනවද?” යි රාජිත සේනරත්න අමාත්‍යවරයා කොලොන්නාවේ පැවති ජන හමුවකදී ප්‍රශ්න කළේය.
ගෝඨාභය රාජපක්ෂගේ පුරවැසි භාවය අභියෝගයට ලක් කරමින් සිවිල් සමාජ ක්‍රියාකාරීන් දෙදෙනෙකු වන මහාචාර්ය චන්ද්‍රගුප්ත තේනුවර සහ සාහිත්‍යවේදී ගාමිණී වියන්ගොඩ විසින් අභියාචනා අධිකරණයේ පෙත්සමක් ගොනු කරනු ලැබු අතර එම පෙත්සම විභායට ගැනීමට 30 සඳුද අධිකරණය තීන්දු කළේය.
පුරවැසි භාවය අභියෝගයට ලක් වීම හේතුවෙන් ගෝඨාභය රාජපක්ෂ ජනාධිපතිවරණ අපේක්ෂකත්වයෙන් ඉවත් වනු ඇති බවට රාජිත සේනාරත්න අමාත්‍යවරයා වැඩි දුරටත් විශ්වාසය පළ කර සිටියේය.
Facebook Comments
