මුදල් අමාත්‍යාංශයට සිදු වූ දේ දැන් විදුලි බල අමාත්‍යාංශයටත් සිදුවෙමින් ඇති බවත් එය රවී කරුණානායකගේ දේශපාලන අපලයක් බවට පාර්ලිමේන්තු මන්ත්‍රී වාසුදේව නානායක්කාර ප්‍රකාශ කර තිබේ.
“හරි අවාසනාවකට එතුමා මුදල් ඇමැති වෙනකොට එතන විශාල කම්පනක් හා දෝෂාරෝපණයක්. එතුමා විදුලි බල ඇමැති වෙනකොට විදුලි බලය කප්පාදු කිරිමේ විශාල දෝෂාරෝපණයක්. එතුමාට දේශපාලන අපලයක් තියෙනවා මම හිතන්නේ.”
කුමන හෝ මුදලකට විදුලිය මිලදී ගෙන ජනතාවට පැය 24 පුරා අඛණ්ඩව විදුලිය ලබා දීම රජයේ වගකීම බවයි මන්ත්‍රීවරයා පෙන්වා දෙන්නේ.
කෙසේ වෙතත් විදුලිය මිලදී ගැනීමට යන මුදල විදුලි බල මණ්ඩලයෙන් අයකරගත යුතු අතර නැවත වටයකින් එහි බර ජනතාවට පිට නොපැටවිය යුතු බව ද වාස්දේව නානායක්කාර මන්ත්‍රීවරයා සඳහන් කළේය.
“අපේ රටේ මිනිස්සුන්ට විදුලිය කියන්නේ මේ වෙනකොට හුස්ම ගන්නවා වගේ අවශ්‍ය දෙයක්. හුස්ම නවත්තගෙන ඉන්න බැහැ.” යි හෙතෙම 25 සඳුදා ෙකාළඹ පැවති මාධ්‍ය හමුවක දී පැවසීය.
විදුලිය කපා දැමීම බෙල්ල කපා දැමීමට සමාන බව කී පාර්ලිමේන්තු මන්ත්‍රී වාසුදේව නානායක්කාර මෙ හරහා සිදුවන පාඩුවට රජය විසින් වන්දියක් ගෙවිය යුතු යැයි අවධාරණය කළේය.
Facebook Comments
