පාට පක්ෂ බේද නැතිව සාර්ථක ව්‍යාපාරකයින්ට ණය දෙනවා – මුදල් ඇමැති

කුමන පක්ෂයක නියෝජනය කල ද සාර්ථක ව්‍යාපාරිිකයෙකු නම් ආණ්ඩුව වශයෙන් උදවු කිරීමට සුදානම් බව මුදල් ඇමැතිවරයා අවධාරණය කර තිබේ.

එන්ටර්ප‍්‍රයිස් සහන ණය යෝජනා ක‍්‍රමය යටතේ “එන්ටර්ප‍්‍රයිස් ශ්‍රී ලංකා ඔබේ ගමට” ජංගම සේවයේ මාතර, වැලිගම නගර සභා පරිශ‍්‍රයේ සමාප්ති උත්සවයට 24 ඉරිදා එක්වු මංගල සමරවීර ඇමැතිවරයා මේ බව පැවසීය.

“මෙතනදි පැහැදිලිව කියන්න ඕන මේකට කිසිම දේශපාලන බලපැමක් තිබුණේ නැහැ . මම මෙතන රැදි හිටියට අරයා මේ පක්ෂයේ , මෙයා අර පක්ෂයේ කියලා බැලුවේ නැහැ . තමන්ගේ සුදුසුකම තමයි එකම සුදුසුකම.” යැයි මුදල් අමාත්‍යවරයා කියා සිටියේය.

“එන්ටර්ප‍්‍රයිස් ශ්‍රී ලංකා ඔබේ ගමට” වැඩසටහන හරහා රට දියුණු කිරිමේ නව පෞද්ගලික අංශයක් පිහිටුවිමේ සාර්ථක පළමු පියවර මාතර වැලිගම ප්‍රදේශයෙන් ආරම්භ කල බව ද මංගල සමරවීර අමාත්‍යවරයා සඳහන් කළේය.

මෙම ජංගම ණය යෝජනා ක‍්‍රමය යටතේ අලූත් ණය යෝජනා ක‍්‍රම වලට 1,327 දෙනෙක් ඉල්ලූම් ඇති බව හා සොදුරු පියස ණය යෝජනා ක‍්‍රමය යටතේ 2,800 ක් අයදුම් කර ඇති බවත් ඒ අතරින් 1,463 දෙනෙක් සාර්ථකව අයදුම්පත‍්‍ර අනුමත වී ඇතැයි හෙතෙම කියා සිටියේය.

ඉතිරි දෙසතිය ඇතුලත් සියලු බැංකු කැඳවා ජංගම සේවාව ඔස්සේ අයදුම් කරන ලද ණය යෝජනා ක්‍රම වලට අදාළ මුදල් ලබා දීම කඩිනම් කරන බව ද මුදල් අමාත්‍ය මංගල සමරවීර වැඩි දුරටත් ප්‍රකාශ කළේය.