1941 මැයි 24 වන දින ඇමරිකාවේ Minnesota ප්‍රාන්තයේ උපත ලබන Bob Dylan සිය සංගීත දිවිය ආරම්භ කරන්නේ 60 දශකයේ මුල් කාලයේය. 20 වන සියවසේ බිහිවූ සංගීතඥයින් අතුරෙන් Bob Dylan ගේ ගී පද නිර්මාණ සාහිත්‍යමය වශයෙන් වඩාත් කතාබහට ලක් වූ අතර ඔහු සිය සංගීත නිර්මාණ සඳහා Grammy, Academy සහ Golden Globe සම්මාන රැසක් හිමිකර ගත්තේය. ඇමරිකානු නවකතාකරුවෙකු වූ Toni Morrison 1993 නොබෙල් සාහිත්‍ය සම්මානය දිනාගත් පසු ඇමරිකානු ජාතිකයෙක්ට මෙම සම්මානය හිමිවන්නේ මේ වසරේ Bob Dylan සඳහා වීම විශේෂයකි.
මෙවර නොබෙල් සම්මානය ඔහු වෙත පිරිනැමෙන්නේ ‘ කාව්‍යමය භාව ප්‍රකාශනය ඇමරිකානු සංගීත
සම්ප්‍රදායේ නව මානයක් කරා’ ගෙන ගිය නිසාවෙනි. ඔහුගේ සංගීත නිර්මාණ අතර Blowing In The Wind සහ Like a Rolling Stone ඉතිහාසයට එක්වූ සුවිශේෂී ගීත වේ.
Facebook Comments
