පළාත් සභා විසුරුවා හැරීමට හෝ ඒවායේ බලතල නැවත රජයට පවරා ගැනීමට මධ්‍යම රජයට බලය තිබිය යුතු බවට ව්‍යවස්ථා සම්පාදක මණ්ඩලයේ මෙහෙයුම් කමිටුව එකඟ වී ඇතැයි පාර්ලිමේන්තු මන්ත්‍රී ජයම්පති වික්‍රමරත්න පවසයි.
පළාත් සභාවක් රටේ එක්සත්භාවයට භෞමික අඛණ්ඩතාවයට සහ ස්වාධීනත්වයට පටහැනිව ක්‍රියා කරන්නේ නම් පළාත් සභා විසුරුවා හැරීමට හෝ එහි බලය නැවත මධ්‍යම රජයට ලබාගැනීමට හැකි වන සේ වගන්තියක් යෝජිත නව ව්‍යවස්ථාවට ඇතුළත් කිරීමට යෝජනා කර ඇතැයි මන්ත්‍රී ජයම්පති වික්‍රමරත්න කියා සිටියේ 22 බදාදා පාර්ලිමේන්තුවේ කල් තැබීමේ විවාදයට එක්වෙමිනි.
දැනට පවතින ව්‍යවස්ථාවේ මීට අදාළ ප්‍රතිපාදන අඩංගු වී නැති බව පෙන්වා දෙන මන්ත්‍රීවරයා දෙමළ සන්ධානය මෙම යෝජනාවට සුබවාදී ප්‍රතිචාර දක්වා ඇති බවද සඳහන් කළේය.
මේ සම්බන්ධව ජනාධිපති විසින් හිතුවක්කාර බලය පාවිච්චි කිරීම පැන නොනගීන්නේ ජනාධිපතිතුමාගේ ක්‍රියා කලාපය ශ්‍රේෂ්ඨාධිකරණයේ අභියෝගයට ලක් කිරීමට හැකිවන ලෙසට 19 වන ව්‍යවස්ථා සංශෝධනය යටතේ බලය බෙදාදී‍මේ විෂය දීර්ඝ ලෙස සාකච්ඡා කර ඇති නිසා බවටයි ඔහු අවධාරණය කරන්නේ.
පළාත් සභා සියල්ලෙහිම මහ ඇමතිවරුන් බලය බෙදීමේ ක්‍රීයාවලිය සත්භාවයෙන් සිදුවිය යුත් බවට ව්‍යවස්ථා සම්පාදක මණ්ඩලයට යෝජනා කර ඇති අතර ආණ්ඩුකාරවරයාගේ බලතල අඩු කර එම බලය මධ්‍යම රජයේ ස්වාධින කොමිසමක් වෙත පවරා දී පළාත් සභා බලතල නියාමාකාරයෙන් ලබා දිය යුතු බවට මහ ඇමතිවරුන් පැවසු බවයි මන්ත්‍රී ජයම්පති වික්‍රමරත්න වැඩිදුරටත් කියා සිටියේ.
Facebook Comments
