යෝජිත වන ව්‍යවස්ථාව මඟින් ජාතික ප්‍රශ්නයට ස්ථිරසාර විසඳුමක් ලබා දෙන බව සහ යහපාලන රජය විසින් ජාතික ප්‍රශ්නය අවසන් කරන බවට කෝප් කමිටු සාමාජිකයෙක් වන පුත්තලම් දිස්ත්‍රික් පාර්ලිමේන්තු මන්ත්‍රීවරයෙක් පවසනවා.
යුද්ධය අවසන් කළ ද ජාතික ප්‍රශ්නයට විසඳුම් ගෙන එ්මට හිටපු ජනපති මහින්ද රාජපක්ෂ අසමත් වු බව පවසන මන්ත්‍රී හෙක්ටර් අප්පුහාමි තම රජය නැවත යුද්ධයක් ඇති නොවීමට කටයුතු කරමින් සියලු ජාතීන්ට පිළිගත හැකි දේශපාලන විසඳුමක් ලබා දී එම ප්‍රශ්නය විසඳන බවට අවධාරණය කළේය.
පසුගිය රාජපක්ෂ පාලන සමයේදී ජාත්‍යන්තරයෙන් කොන්ව තිබු ශ්‍රී ලංකාව නැවත ජාත්‍යන්තරයේ පිළිගැනීමට ලක් කිරීමට යහපාලන රජයට හැකි වු පවසන මන්ත්‍රීවරයා පෙන්වා දෙන්නේ කිසිම රටකට යට නොවී ජාත්‍යන්තරය දිනා ගැනීමට තම රජයට හැකි වු බවයි.
නව ව්‍යවස්ථාව මර උගුලක් ලෙස බංකොලොත් දේශපාලකයින් හැඳින්වුවද අගමැතිවරයා සහ ජනාධිපතිවරයා ප්‍රමුඛ යහපාලන රජය ඉදිරියේදී ගෙන එන්නේ සියවස් ගණනාවකට ඔබින ප්‍රජාතන්ත්‍රවාදය ශක්තිමත් වු ව්‍යවස්ථාවක් බවටයි ඔහු විශ්වාසය පළ කරන්නේ.
බලය අහිමී වී පිස්සු වැටිලා
පසුගිය රජය සමයේ ජනතා මුදල් හා පොදු දේපළ අවභාවිතා කරමින් සිටියවුන් හට තම බලය අහමි වී පිස්සු වැටී සිටින බවත් ඒ නිසා පාර්ලිමේන්තුවේ කටයුතුද අඩාල කරමින් මහජන මුදල් ගැන නොසිතා බලය ලබා ගැනීමෙන් පටු අරමුනින් යුතුව කටයුතු කරන බවට හෙක්ටර් අප්පුහාමි මන්ත්‍රීවරයා චෝදනා කරනවා.
පාර්ලිමේන්තුව තුළ ඒකාබද්ධ විපක්ෂයේ හැසිරීම යහපාලන විනාශ කර දමා නැවතත් යමපාලන ඇති කරවීමට ගෙන යන කුමන්ත්‍රණයක් ලෙස හඳුන්වන මන්ත්‍රීවරයා දිවි හිමියෙන් ගොඩනැංවු යහපාලන විනාශ කිරීමට කිසිවෙකු හට ඉඩ නොතබව බවට අවධාරණය කළේය.
දිනේෂ් ගුණවර්ධන හා වාසුදේව නානායක්කාර වැනි අනාගතයට පුර්වාදර්ශ සැපයි හැකි මන්ත්‍රීවරුන්ගේ හැසිරීම පිළිබඳව තමන් කණගාටු වන බව සහ විමල් වීරවංශ විසින් දිගින් දිගටම කථානායකවරයා වෙත එල්ල කරන තර්ජන සුලු කොට තැකිය නොහැකි බවටද හෙක්ටර් අප්පුහාමි මන්ත්‍රීවරයා අනතුරු අඟවා සිටී.
Facebook Comments
