රටේ සියලු ජාතීන් අතර සාමය සහ සමගිය ගොඩනගමින් යළිත් රට තුළ යුද්ධයක් ඇතිවීම වැළැක්වීම සඳහා රජය ගෙන යන වැඩපිළිවෙළට ගල් මුල් ගසන සියලු දෙනාට අනාගතයේ දී කුරිරු යුද්ධයක් හමුවේ හඬා වැටීමට සිදුවනු ඇති බවට ජනාධිපතිවරයා පවසයි.
ජාතික සංහිඳියාව ගොඩනැගීම සඳහා රජය ගෙනයන වැඩපිළිවෙළේදී අවශ්‍ය වන්නේ ඒ පිළිබඳව සියලුදෙනා අවබෝධයෙන් කටයුතු කරමින් සහය ලබාදීම මිස ගල් මුල් එල්ලකිරීම නොවන බව ජනාධිපති මෛත්‍රීපාල සිරිසේන කියා සිටියේ 17 සිකුරාදා අත්තනගල්ල, තිහාරිය, අල් අස්හර් මධ්‍ය මහා විද්‍යාලයේ නව තෙමහල් ගොඩනැගිල්ල සිසු අයිතියට පවරාදීමේ උත්සවයට එක්වෙමිනි.
ජාතික සංහිඳියාව සඳහා රජය ගෙන යන වැඩපිළිවෙළ ඇතැමුන් අපහාසයට සහ උපහාසයට ලක් කළද රට තුළ ස්ථීරසාර සාමයක් ගොඩනැගිය හැක්කේ ජාතික සංහිඳියා පිළිවෙත සාර්ථක කර ගැනීම තුළින් පමණක් බවටයි ජනාධිපතිවරයා විශ්වාසය පල කරන්නේ.
Facebook Comments
