ඖෂධ වර්ග 48 ක මිල අඩු කිරිම රෝගීන් ලැබූ විජයග්‍රහණයක් බව ලෝක සෞඛ්‍ය සංවිධානය සිය 2016 වර්ෂය වෙනුවෙන් නිකුත් කළ වාර්තාවෙන් ප්‍රකාශ කර ඇති බව රජය පවසයි.
එම වාර්තාවට අනුව අත්‍යාවශ්‍ය ඖෂධ වර්ග 48 ක මිල අඩු කිරීම සහ සීනි පරිභෝජනය අවම කිරීම සඳහා වර්ණ සංකේත ක්‍රමයක් හඳුන්වාදීම ලෝක සෞඛ්‍ය සංවිධානය අගය කර ඇතැයි රජයේ නිල වෙබි අඩවිය නිවේදනය කරයි.
මේ පිළිබඳව සෙුස රටවල්ද අධ්‍යනය කල යුතු බව ලෝක සෞඛ්‍ය සංවිධානය පෙන්වා දී ඇත.
අත්‍යාවශ්‍ය ඖෂධ වර්ග 48 ක මිල අඩු කිරිමට ගත් තීරණය යහපත් බලපෑමක් ඇති කරන බව ලෝක සෞඛ්‍ය සංවිධානය නිවේදනය කරන අතර ඇතැම් ඖෂධවල මිල සියයට 85 කින් පමණ අඩු වී ඇති බව සෞඛ්‍ය අමාත්‍යංශය පවසයි.
ඖෂධ වර්ග වල මිල අඩු කිරීම විශ්වීය සෞඛ්‍ය රැකවරණ මුලධර්මයට ද රුකුලක් වී ඇති බව ලෝක සෞඛ්‍ය සංවිධානය අවධාරණය කර ඇතැයි රජය වැඩි දුරටත් නිවේදනය කරයි.
Facebook Comments
