කතානායක කරූ ජයසූරිය වෙත ශ්‍රී ලංකා රාමඤ්ඤ මහා නිකාය විසින් ප්‍රදානය කරන ”විශ්ව කීර්ති ශ්‍රී ලංකා ජනරංජන” ගෞරව නාමය ප්‍රදානය කිරීම ඊයේ (28) නාරාහේන්පිට, ශ්‍රී ලංකා රාමඤ්ඤ නිකාය- මහා සංඝ මූලස්ථානයේ දී සිදු ව තිබේ.
ශ්‍රී ලංකා රාමඤ්ඤ මහා නිකායේ මහා නායක මහා ස්ථවිර අග්ග මහා පණ්ඩිත අතිපූජ්‍ය නාපාන පෙමසිරි අභිධාන මහානායක හිමිපාණන් වහන්සේගේ,ඇතුළු මහා සංඝරත්නයේ ආශිර්වාදයෙන් ගෞරව නාමය ප්‍රදානය කිරීම සිදු කෙරුණ බවයි රජය පවසන්නේ.
අතිපූජ්‍ය මහා සංඝරත්නය ඇතුළුව, නියෝජ්‍ය කතානායක තිලංග සුමතිපාල අධිකරණ හා බුද්ධ ශාසන අමාත්‍ය ආචාර්ය විජයදාස රාජපක්ෂ, කම්කරු හා වෘත්තීය සමිති සබඳතා අමාත්‍ය ඩබ්ලිව් .ඩී.ජේ.සෙනෙවිරත්න ,ප්‍රාථමික කර්මාන්ත අමාත්‍ය දයා ගමගේ ඇතුළු මැති ඇමැතිවරුරැසක් මේ අවස්ථාවට සහභාගී වූහ.
Facebook Comments
