මාධ්‍යවේදී කීත් නොයාර්ට පැහැරගැනීමට සහ ලසන්ත වික්‍රමතුංග ඝාතනය ඇතුළු අපරාධ රැසකට යොදා ගත් බවට සැක කෙරෙන වෑන් රථයක් පිළියන්දලින් සොයගත් බව පොලිසිය පවසයි.
ද නේෂන් පුවත්පතේ හිටපු කතෘ කීත් නොයාර් පැහැර ගෙන ගොස් පහර දීම සම්බන්ධව සැක පිට අත්අඩංගුවට ගත් යුධ හමුදා මේජර් බුලවත්තගේ හිතවත් කාන්තාවකගේ නිවසක තිබී ඊයේ(28) අපරාධ පරීක්ෂණ දෙපාර්තමේන්තුව විසින් මෙම වෑන් රථය සොයාගෙන ඇත.
මාධ්‍යවේදී කීත් නොයාර් පැහැර ගැනීමේ සිද්ධිය සම්බන්ධයෙන් යුද හමුදා බුද්ධි අධ්‍යක්ෂ මණ්ඩල සාමාජිකයෙකු, යුද හමුදා මේජර්වරයෙකු ඇතුළු 5 දෙනෙකු අත්අඩංගුවට ගෙන අධිකරණයට ඉදිරිපත් කිරිමෙන් පසු රක්ෂිත බන්ධනාගාර ගත කෙරුණි.
එම සිද්ධියේ සැකකරුවන් හඳුනා ගැනීමට විදෙස් ගතව සිටින කීත් නොයර් නොපැමිණිම හේතුවෙන් අපරාධ පරීක්ෂණ දෙපාර්තුමේන්තුව බරපතල අර්බුදයකට මුහුණ දී ඇති බවද වාර්තා වේ.
Facebook Comments
