ඩොලරයට සාපේක්ෂව ලෝක වෙළෙදපොල තුළ ඖෂධ මිල ඉහළ යාම හේතුවෙන් ඖෂධ ආනයනකරුවන් පාඩු ලැබීම තුළ සියයට 5 කින් ඖෂධ මිල වැඩි කිරිමට සිදු වූ බව සෞඛ්‍ය, පෝෂණ හා දේශීය වෛද්‍ය අමත්‍යවරයා පවසයි.
ඖෂධ ආනයනකරුවන්ගේ සහ ඖෂධ ආනයනකරුවන්ගේ වාණිජ මණ්ඩලය කළ ඉල්ලීමක් මත ජාතික ඖෂධ නියාමන අධිකාරිය සිදු කළ අධ්‍යනයකින් පසු මිල වැඩි කිරීමට පියවර ගත් බවයි 19 අඟහරුවාදා ඇමැති රාජිත සේනාරත්තන නිකුත් කල නිවේදනයේ දැක්වෙන්නේ.
මිල ඉහල දැමීමට නිකුත් කල ගැසට් නිවේදනයට අනුව මෙම මිල වැඩි කිරිම වසරක කාලයක් බල පැවැත්වෙන අතර එම කාලය තුළ දී ලෝක වෙළෙදපොලේ ඖෂධ මිල ඉහළ ගිය ද ශ්‍රී ලංකාව තුළ ඖෂධ මිලෙහි කිසිදු වෙනසක් සිදු නොවන බව සෞඛ්‍ය අමාත්‍යවරයා පවසයි.
අත්‍යාවශ්‍ය ඖෂධ වර්ග 48 ක මිල අඩු කිරිම සිදු කරනු ලැබුයේ 2016 ඔක්තෝබර් මස 21 දා සිට බව සිහි කරන ඇමැතිවරයා වසරකට අධික කාලයක් තුළ ඖෂධ මිල අඩු කර තිබිමෙන් රෝගී ජනතාවට විශාල සහනයක් ලැබුණ බව ද කියා සිටි.
නව ගැසට් පත්‍රෙය් මිල ගණන්වලට අනුව ඖෂධ අලෙවි කළ යුතු බව මෙන්ම එලෙස ඖෂධ අලෙවි නොකරන අලෙවිසැල් පිළිබඳව ජාතික ඖෂධ නියාමන අධිකාරිය විසින් විමර්ශණයක් සහ වැටලීම් ද සිදු කරන බව ද අමාත්‍ය රාජිත සේනාරත්න සිය නිවේදනය හරහා වැඩි දුරටත් සඳහන් කරයි.
Facebook Comments
