ඒකාබද්ධ විපක්ෂය විසින් අගමැති රනිල් වික්‍රමසිංහට විරුද්ධව ඉදිරිපත් කර ඇති විශ්වාස භංග යෝජනාව විවාදයට ගැනීමට අගමැතිවරයා සිය ධුරයෙන් ඉවත් විය යුතු බවට ශ්‍රී ලංකා නිදහස් පක්ෂ පාර්ලිමේන්තු කණ්ඩායම තීරණය කර තිබේ.
ශ්‍රී ලංකා නිදහස් පක්ෂ මන්ත්‍රී කණ්ඩායම 02 සඳුදා ගත් එම තීරණය අමාත්‍ය නිමල් සිරිපාල ද සිල්වා විසින් 03 අඟහරුවාදා අගමැතිවරයා හට දැනුම් දී ඇත.
යම් හෙයකින් තමන්ගේ ඉල්ලීමට පිටුපාමින් අගමැතිවරයා තනතුරෙන් ඉල්ලා අස් නොවන්නේ නම් විශ්වාස භංග විවාදයේදී එයට සහාය දැක්වීමට ද ශ්‍රීලනිප පාර්ලිමේන්තු කණ්ඩායම ඒකමතිකව තීරණය කල බව රාජ්‍ය ඇමැති ලක්ෂ්මන් යාපා අබේවර්ධන මාධ්‍යයට කියා තිබුණි.
මේ අතර අග්‍රාමාත්‍ය රනිල් වික්‍රමසිංහ සහ ජනාධිපතිවරයා අතර තවත් සාකච්ඡාවක් අද උදෑසන පැවැත්වුණු අතර ඊට මලික් සමරවික්‍රම, කබීර් හෂීම්, රාජිත සේනාරත්න සහ අකිල විරාජ් කාරියවසම් යන අමාත්‍යවරුන් ද සහභාගී වී සිටි බවයි වාර්තා වන්නේ.
Facebook Comments
