අධිකරණයට අපහාස කල බවට චෝදනා හතරකට වරදකරු වු බොදුබල සේනා සංවිධානයේ නායක ගලගොඩඅත්තේ ඥානසාර හිමියන්ට පැනවු හිර දඬුවමට එරෙහිව අභියාචනයක් ඉදිරිපත් කිරීමට අවසර දෙන්න ලෙස කරන ලද ඉල්ලීම අභියාචනාධිකරණය ප්‍රතික්ෂේප තිබේ.
අභියාචනාධිකරණය සභාපති විනිසුරු ප්‍රීති පද්මන් සූරසේන සහ ශිරාන් ගුණරත්න යන විනිසුරු මඩුල්ල විසින් 31 සිකුරාදා මෙම නියෝගය නිකුත් කරනු ලැබීය.
හෝමාගම හිටපු මහේස්ත්‍රාත් වරයෙකු මෙන්ම වත්මන් කොළඹ ප්‍රධාන මහේස්ත්‍රාත් රංග දිසානායක අභියාචනාධිකරණයට කරන ලද පැමිණිල්ලකට අනුව නීතිපතිවරයා විසින් ඥානසාර හිමියන්ට එරෙහිව චෝදනා පත්‍රය ඉදිරිපත් කර තිබුණි.
අධිකරණයට අපහාස කල බවට චෝදනා හතරකට වරදකරු වු බොදුබල සේනා සංවිධානයේ නායක ගලගොඩඅත්තේ ඥානසාර හිමියන්ට වසර 19 ක සිරදඬුවම් නියම කළ අභියාචනාධිකරණය සිරදඬුවම වසර 6කින් ගෙවී යන ලෙස අගොස්තු 08 වනදා දඩුවම් නියම කළේය.
එම දඬුවමට එරෙහිව ශ්‍රේෂ්ඨාධිකරණය වෙත අභියාචනයක් ඉදිරිපත් කිරීමට අවසර දෙන මෙන් ඉල්ලා ඥානසාර හිමියන් ජනාධිපති නීතිඥ රියන්සි අර්සකුලරත්න මාර්ගයෙන් අභියාචනා අධිකරණයට කරුණු දක්වනු ලැබුවේය.
ඥානසාර හිමියන්ට පැනවු සිරදඬුවම් නියම කළ තීන්දුවෙ තිබුණු නීතිමය දෝෂ තුනක් පිළිබඳව අධිකරණයේ අවධානය යොමු තිබු අතර එහින් උන්වහන්සේට අභියාචනයක් ඉදිරිපත් කිරීම සඳහා හිමිකම් තිබෙන බවට නීතිඥ රියන්සි අර්සකුලරත්න අධිකරණයට කියා සිටියේය.
එහෙත් එම ඉල්ලීමට එරෙහිව නීතිපතිවරයා වෙනුවෙන් පෙනී සිටි නියෝජ්‍ය සොලිස්ටර් ජනරාල් රොහාන්ත අබේසූරිය අධිකරණයට කරුණු ඉදිරිපත් කරන ලදී.
දෙපාර්ශවය කරුණු සලකා බැලූ අභියාචනාධිකරණ විනිසුරුවරුන් බොදුබල සේනා සංවිධානයේ නායක ගලගොඩඅත්තේ ඥානසාර හිමියන්ගේ ඇපෑල ප්‍රතික්ෂේප කිරීමට තීන්දු කළේය.
Facebook Comments
