මාලදිවයින් ජනාධිපතිවරණයෙන් එරට ප්‍රජාතන්ත්‍රවාදී පක්ෂ නියෝජනය කළ පොදු අපේක්ෂක ඊබ්‍රහිම් මොහොමඩ් සෝලි ජය ගෙන තිබේ.
එරට විදේශ කටයුතු අමාත්‍යංශය නිකුත් කල නිවේදනයට අනුව සෝලි ඡන්ද 134616 ක් ලබා ගෙන ඇත.
ඡන්ද මාධ්‍යස්ථාන 472කදී 233877 දෙනෙකු ඡන්දය භාවිත කර ඇති අතර එය 89.22%ක ප්‍රතිශතයකි.
මෙම ජයග්‍රණයත් සමග වසර 5 ක් බලයේ සිටි ජනාධිපති අබ්දුල්ලා යාමීන්ට සිය ධූරයෙන් නික්ම යාමට සිදු වේ.
මාලදිවයිනේ ජනාධිපතිවරණයෙන් ජයගත් විපක්ෂ අපේක්ෂක ඊබ්‍රාහීම් මොහොමඩ්ට ශ්‍රී ලංකා රජය සුබ පැතුම් එක් කර ඇත.
ජනාධිපතිවරණ ජයග්‍රාහක ඊබ්‍රාහීම් මොහොමඩ් සමග සහයෝගයෙන් කටයුතු කිරීමට සූදානම් බවද ශ්‍රී ලංකාව සහ මාලදිවයින අතර සබඳතා තවත් ශක්තිමත් කරගැනීමට පියවර ගන්නා බවද ශ්‍රී ලංකාවේ විදේශ අමාත්‍යංශය නිවේදනය කරයි.
නිදහස් ,සාධාරණ හා සාමකාමී මැතිවරණයක් වෙනුවෙන් කැපවී කටයුතු කල සෑම පාර්ශවයකටම ශ්‍රී ලංකා රජය සිය ප්‍රසාදය පළකර ඇත.
Facebook Comments
