සියවසේ “ඓතිහාසික” හමුව සිංගප්පුරුවේදී

0
319
wedding people

මුළු මහත් ලෝකයම බලා සිටි සියවසේ හමුව ලෙසින් හැඳින්වුණු ට්‍රම්ප්-කිම් හමුව සිංගප්පුරුවේ සෙන්ටෝසා දූපතේ කැපෙල්ලා හෝටලයේදී සිදු විය.

ඇමෙරිකා ජනාධිපතිවරයා සහ උතුරු කොරියානු ජනපති සිංගප්පූරු වේලාවෙන් උදෑසන 9.00ට එනම් ශ්‍රී ලංකා වේලාවෙන් උදෑසන 6.30ට හමුවී තිබේ.

ජනාධිපති ඩොනල්ඩ් ට්‍රම්ප් සහ උතුරු කොරියානු නායක කිම් ජොන් උන් මුලින්ම එකිනෙකා හමුවෙමින් සුබ පැතුම් එක් කරගනිමින් ඡායාරූප අවස්ථාවකට පෙනි සිටියහ.

ඉන් අනතුරුව ඔවුන් මාධ්‍යවේදීන්ගේ ප්‍රශ්නවලට මිනිත්තු කිහිපයක් පිළිතුරු දීමෙන් පසුව පෞද්ගලික සාකච්ඡාවක් සිදු කල බව විදෙස් මාධ්‍ය වාර්තා කරයි.

“ඓතිහාසික” ලියවිල්ල

මෙහිදි උතුරු කොරියානු නායක කිම් ජොන් උන් හා එක්සත් ජනපද ජනාධිපති ඩොනල්ඩ් ට්‍රම්ප්, “ප්රධාන වෙනස්කම්” කරා ගෙන යා හැකි “ඓතිහාසික” ලියවිල්ලක් අත්සන් කළහ.

ලේඛනයේ අන්තර්ගතය මෙතෙක් අනාවරණය කර නොතිබුණද, දිනපතා පුවත්පත් සාකච්ඡාවක් පවත්වන බව ඇමරිකානු ජනාධිපතිවරයා මාධ්‍ය වෙත කියා තිබේ.

“අද අපි ඓතිහාසික රැස්වීමක් පැවැත්වූ අතර අතීතය අතහැර දැමීමට අපි තීරණය කළා. අපි ඓතිහාසික ලියවිල්ලක් අත්සන් කිරීමට සූදානම්ව සිටිමු. ලෝකය ප්රධාන වෙනසක් දකිනු ඇත ” යි මාධ්‍ය ඇමතු උතුරු කොරියානු නායක කිම් ජොන් උන් කියා සිටියේය.

“මෙතැන් සිට, කොරියානු අර්ධද්වීපය “අතීතයට වඩා බොහෝ සෙයින් වෙනස් තත්වයක් වනු ඇතැයි” ඇමෙරිකා ජනාධිපති ඩොනල්ඩ් ට්‍රම්ප් මාධය හමුවේ සිය විශ්වසය පළ කළේය.

Facebook Comments