යෝජිත නව ව්‍යවස්ථාවට ජාතිවාදී පිරිස් බාධා කරමින් සිටින බවට ජනතා විමුක්ති පෙරමුණ නායකයා ප්‍රකාශ කර තිබේ.
පොලිසි 09 ඇති වන බවට හා පෙබරවාරි 04 වෙනිදා වන විට රට කැඩෙන ගෙන යනු ලබන ප්‍රචාර “පට්ටපල් බොරු” ලෙසයි අනුර කුමාර දිසානායක මන්ත්‍රීවරයා විසින් හඳුන්වනු ලැබුවේ.
පවතින ව්‍යවස්ථාව රට තුල ජාතික සමගිය ගොඩනැඟීමට අසමත්වී ඇති බව කී ජවිපෙ නායකයා නව ව්‍යවස්ථාවක් රටට අත්‍යවශය බව අවධාරණය කළේය.
“මේ ව්‍යවස්ථාව සමත් වෙලා නැහැ අපේ රටේ ජාතික සමගිය ගොඩනගන්න. ඒ නිසා නව නීතියක් ඕන. හැබැයි ඒ විද්ත්ත සාකච්ඡාවට ජාතිවාදය ඉඩ දෙන්නෙ නැහැ.” යි පාර්ලිමේන්තු මන්ත්‍රී අනුර කුමාර දිසානයක හලාවත පැවති ජන හමුවක දී පැවසීය.
ඩයස්පෝරව විසින් ව්‍යවස්ථා කෙටුම්පතට ජන්දය දෙන අය වෙනුවෙන් මුදල් ලබා දෙන බවට පාර්ලිමේන්තු මන්ත්‍රී උදය ගම්මන්පිල කර ඇති ප්‍රකාශයකට පිළිතුරු දෙමින් “මිලියන 400 දුන්න නම් ඒ පැත්තෙ ඔක්කොම අත උස්සනවා.” යැයි ජනතා විමුක්ති පෙරමුණ නායක පාර්ලිමේන්තු මන්ත්‍රී අනුර කුමාර දිසානයක වැඩි දුරටත් කියා සිටියේය.
Facebook Comments
