ඉදිරි ජනාධිපතිවරණ අපේක්ෂකයා ලෙස ගෝඨාභය රාජපක්ෂ ඉදිරිපත් වුවහොත් නිසැක වශයෙන්ම පරාජයට පත් වන බවට සුව ඇමැතිවරයා අනාවැකි පළ කර තිබේ.
සුළු ජනතාවගේ ඡන්ද දිනාගැනීමට ගෝඨාභය රාජපක්ෂය හට හැකියාවක් නොමැති බැවින් ඔහු පරාජයට පත් වන බවයි සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න පෙන්වා දෙන්නේ.
සුළු ජාතීන් සමග කෑම මේස වල වාඩි වී සිටියත්, ගෝඨාභය රාජපක්ෂ පසුගිය රජය සමයේ සුළු ජාතිකයින්ට කළ හිරිහැර ඔවුන්ට අමතක නොවන බව ද ඇමැතිවරයා පැවසීය.
මැතිවරණයේ දී ජයග්‍රහණය කිරීම සදහා එක්සත් ජාතික පෙරමුණට හැකියාවක් ඇති බව පෙන්වා දෙන සෞඛ්‍ය අමාත්‍යවරයා ශ්‍රී ලංකා පොදුජන පෙරමුණේ අපේක්ෂකයා මුල සිටම දේශපාලන ව්‍යාපාරය ආරම්භ කළ යුතු බව ද සදහන් කළේය.
2015 ජනාධිපතිවරණයට පෙර හිටපු ජනාධිපතිවරයා ද දකුණේ ඡන්දවලින් පමණක් ජයග්‍රහණය කළ හැකි බවට විශ්වාස කළත් එය පරාජය කිරීමට හැකි වු බවත් ජාතිවාදය, ආගම්වාදය, කුලවාදයට ජනතාව තවදුරටත් ජන්දය ලබා නොදන බවටත් සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න විශ්වාසය පළ කරන ලදී.
Facebook Comments
