අගමැති රනිල් වික්‍රමසිංහ ඉදිරි ජනාධිපතිවරණ අපේක්ෂකයා ලෙස එක්සත් ජාතික පෙරමුණ නියෝජනය කරමින් ඉදිරිපත් වනු ඇති බවට පාර්ලිමේන්තු සභා නායක විශ්වාසය පළ කර තිබේ.
එක්සත් ජාතික පක්ෂයට පක්ෂයකට අයත් පක්ෂයක් නොවන බව කී අමාත්‍ය ලක්ෂ්මන් කිරිඇල්ල පක්ෂ කෘත්‍යාධිකාරි මණ්ඩලය විසින් සිය නායකත්වය ජනාධිපතිවරණයට තරඟ කිරිමට යෝජනා කරනු ඇති බව කියා සිටියේය.
“අනිත් පැත්තෙ අය අපේක්ෂකයා තොරන්නෙ කොහොමද නෝනයි මහත්තයයි සහෝදවරුයි දුවයි පුතයි එක්කහු වෙලා පවුලේ අය තමයි අපේක්ෂකයා තෝරන්නේ. එක්සත් ජාතික පක්ෂය කියන්නෙ ජනතාවගේ පක්ෂයක් කෘත්‍යාධිකාරි මණ්ඩලයයි, පාර්ලිමේන්තු මන්ත්‍රීවරුයි එකතු වෙලා අපි පුද්ගලයෙක් තෝර ගන්නවා.”
අඩුපාඩු සහිතව වත්මන් රජය ජයග්‍රහණ රැසක් ලබා ඇති බව සහ ජනතාවගේ නිදහස මෙන්ම අධිකරණයේ ස්වාධීනත්වය ද ආරක්ෂ කර ඇති බව ඇමැතිවරයා සඳහන් කළේය.
පොහොට්ටු පක්ෂයේ ජනපති අපේක්ෂයා ලෙස නම් කර ඇති පුද්ගලයාට ජාත්‍යන්තරයේ නඩු ඇති බවත් තමන් සමඟ එවැනි පුද්ගලයෙක් මොහොතක් හෝ රඳවා නොගන්නා බව ද ලක්ෂ්මන් කිරිඇල්ල අමාත්‍යවරයා වැඩි දුරටත් පැවසීය.
Facebook Comments
