ශ්‍රී ලංකා නිදහස් පක්ෂ දැනට සිටින පැරණිම සාමාජිකයෙකු වන තමන් මුළු ලංකාවේ නායකත්ව බාර ගැනීමට සුදානම් බව මහින්ද රාජපක්ෂ පිළි නියෝජනය කරමින් පාර්ලිමේන්තුවේ සිටින මන්ත්‍රීවරයෙකු ප්‍රකාශ කර තිබේ.
ශ්‍රී ල නිප කළුතර දිස්ත්‍රික්ක නායකත්වය බාර ගැනීමට ආරාධනා ලැබී ඇති දැයි මාධ්‍යවේදියෙකු කළ ප්‍රශ්න කිරීමට පිළිතුරු දෙමින් කුමාර වෙල්ගම මන්ත්‍රීවරයා මේ බව කියා සිටියේය.
“මම ශ්‍රී ලංකා නිදහස් පක්ෂයේ කළුතර දිස්ත්‍රික්කයේ විතරක් නෙමෙයි මුළු ලංකාවේම නායකත්වය බාර ගන්න කැමති. දැනට ඉන්න ශ්‍රී ලංකා නිදහස් පාක්ෂිකයින්ගෙන් පරණම දෙන්න තමයි මෛත්‍රීපාල සිරිසේන මහත්තයයි මමයි.”
මිළඟ ජනාධිපති අපේක්ෂකයා වීමට තමන්ට ද සුදුසුකම් ඇති බවයි කුමාර වෙල්ගම මන්ත්‍රීවරයා පෙන්වා දුන්නේ.
“මම අවුරුදු 38ක් ශ්‍රී ලංකා නිදහස් පක්ෂ ආසන සංවිධායකවරයෙක්, අවුරුදු 25ක් පාර්ලිමේන්තුවේ, මම දක්ෂ පේන කරුවෙක් මම කියපුවා එකකවත් වැරදුනේ නැහැ. ඒසා තවත් දක්ෂකම් ගොඩක් තියෙනවා.” යැයි මන්ත්‍රීවරයා කියා සිටියේය.
තමන් හට මෙතෙක් ජනාධිපති අපේක්ෂකත්වය සඳහා ඇරයුම් ලැබු නැති බව කී කුමාර වෙල්ගම මන්ත්‍රීවරයා තමා ජනාධිපති ධුරයට පත් වුවහොත් රටේ ජනතාවට හොඳ කාලයක් උදා වනු ඇති බවට වැඩි දුරටත් විශ්වාසය පළ කළේය.
Facebook Comments
