අමාත්‍ය විජයපාල මෙන්ඩිස් ගුණ සමරුවක්

එක්සත් ජාතික පක්ෂයේ හිටපු කටාන ආසනයේ ප‍්‍රධාන සංවිධායක අමාත්‍ය විජයපාල මෙන්ඩිස් සිහිකරමින් ගුණ අනුස්මරණයක් සංවිධානය කර තිබේ.

වත්මන් එජාප කටාන ආසන ප්‍රධාන සංවිධායක විජිත් විජයමුණි සොයිසා මන්ත‍්‍රීවරයාගේ මුලිකත්වයෙන් සංවිධානය කර ඇති ගුණ සමරුව 31 සෙනසුරුදා විජය ජාත්‍යන්තර බෞද්ධ මධ්‍යස්ථානයේදී (Y හංදියේ දී )පැවැත්වීමට කටයුතු සුදානම් කර ඇත.

පුජ්‍ය එගොඩගම ආනන්ද ස්වාමින්වහන්සේගේද අනුශාෂණයෙන් පැවැත්වීමට නියමිත මෙම පිංකම සදහා ප්‍රදේශයේ නාගරික හා ප‍්‍රාදේශීය සභා මන්ත‍්‍රීවරුන් ගේද දායකත්වය හිමිව තිබේ.

හිටපු අමාත්‍ය විජයපාල මෙන්ඩිස් 1954 දී මිගමුව නගරාධිපති ධුරයට පත්වෙමින් සිය දේශපාලන ජීවිතය ආරම්භ කල අතර 1960 වසරේදී කටාන ආසනය නියෝජනය කරමින් එජාපයෙන් පාර්ලිමේන්තුවට ප්‍රථම වතාවට තේරී පත්විය.

වසර 1965 වසරේදී රජයේ කැබිනට් අමාත්‍යවරයෙක් බවට පත් වූ විජයපාල මෙන්ඩිස් එතැන් සිට විවිධ අමාත්‍යංශ මෙන්ම රජයේ විවිධ තනතුරු ද හෙබ වූ අතර හෙතෙම වසර 2001 දක්වා පාර්ලිමේන්තුව නියෝජනය කරන ලදී.

2012 වසරේ සැත්තැම්බර් මස 01 වනදා මෙලොව හැර යන විට මෙන්ඩිස් 83 වන වියේ පසුවිය.