රාජපක්ෂ පවුලට චෝදනා කෙරෙන අපරාධ ගැන විස්තර සජින් වාස් දන්නවා (VIDEO)

0
683
Ivory Agency Sri Lanka
wedding people

වත්මන් රජයට වසර හතර හමාරක් තිස්සේ සොයා ගැනීමට නොහැකි වු රාජපක්ෂවරුන්ට චෝදනා කෙරෙන මුල්‍ය වංචා සහ අපරාධ ගැන තොරතුරු හෙළි කරන බවට පසුගිය පාලන සමයේ හිටපු අමාත්‍යවරයකු තර්ජනය කර තිබේ.

එම තර්ජනය අසන්නට ලැබෙන්නේ රාජපක්ෂ පවුලේ මුදල් සඟවා ඇති තැන් මෙන්ම ඝාතන සම්බන්ධයෙන්ද තොරතුරු දන්නා බව පවසන ඔවුන්ගේ සමීපතමයකුව සිටි හිටපු විදේශ කටයුතු අධීක්ෂණ ඇමැති සජින් වාස් ගුණවර්ධන විසින් ප්‍රසිද්ධියට පත් කරන ලද දුරකථන සංවාදයකිනි.

“එයාට අවුරුදු විස්සකට මම කරපු දේවල් ලොහාන් ඔයා දන්නවානෙ. ඒ ටු ඉසෙඩ් කරපු ඒවා, ගාමිණි එක්කලා කරපු ඒවා ඔය හැමෝමත් එක්කම කොහෙද සල්ලි හංගලා තියෙන්නෙ මේ ඔක්කොම මම දන්නවා,” යි ලොහාන් රත්වත්තේ මන්ත්‍රීවරයාට සජින් වාස් ගුණවර්ධන කියනු ඇසේ.

ජනාධිපතිවරණයේදී සජිත් ප්‍රේමදාසට සහාය දැක්වීමට ගත් තීරණයත් සමඟ තමන්ට හා තම පවුලේ සියලු දෙනා වෙත මරණ තර්ජන එල්ල වී ඇති බව හිටපු අමාත්‍ය ගුණවර්ධන 5 අඟහරුවාදා මාධ්‍ය වෙත කියා සිටියේය.

තම පවුලේ සමාජිකයකුට යම් අනතුරක් සිදුවුවහොත් රාජපක්ෂවරුන්ගේ මුදල් සඟවා තැන් හෙළිදරව් කරන බව ඔහු පවසන ආකාරය පටිගත කරන ලද දුරකතන සංවාදයේ අසන්නට ලැබේ.

රාජපක්ෂ සමයේ සිදුවු සියලු හොරකම් තමන් පිට පැටවීමට ඔවුන් සුක්ෂම මාධ්‍ය මෙහෙයුමක් දියත් කළ බව ද හිටපු අමාත්‍ය සජින් වාස් ගුණවර්ධන මාධ්‍ය හමුවේදී වැඩි දුරටත් කියා සිටියේය.

Facebook Comments