“අධම යකා” බලයට පත්වීම වැලැක්වීමට කාලි අම්මාට යාදින්නක් (VIDEO)

0

පොහොට්ටු පක්ෂයේ අපේක්ෂකයා හට ජනාධිපති ධුරයට පත් වීමට ඉඩ නොතබන්නැයි අතුරුදහන් මාධ්‍යවේදී බිරියක් දෙවියන් යදිමින් ආයාචනා කර තිබේ.

ගෝඨාභය රාජපක්ෂ “අධම යකෙක්” ලෙස හැඳින්වු ජගත් සම්මානලාභී මානව හිමිකම් ක්‍රියාධාරිනී සන්ධ්‍යා එක්නැළිගොඩ ඔහුට බලයට ඒමට ඉඩ නොතබන ලෙස ඉල්ලා ජනාධිපතිවරණයට පෙර අන්තිම සිකුරාදා කාලි මෑණියන් යදිමින් ඉල්ලා සිටියාය.

“කාලි මෑණියන්ට පඬුරක් ගැට ගහලා ඉල්ලා සිටින්නේ මගේ සැමියා බිලිගත් ඒ අධම යකා ගෝටා මේ පොලොවේ බලයට එන එක නවත්තන්න කියලා කාලි අම්මාගේ පිහිටෙන්.”

යුද සමයේ අතුරුදහන් වුවන් සොයා දෙන ලෙස ඉල්ලා ආරම්භ කරන ලද වීදි සටනට දින 1000 පිරීමද සිහිපත් කළ සන්ධ්‍යා එක්නැළිගොඩ ඔවුන් ඇතුළු සියලු දෙනාට යුක්තිය ඉටු වීම පිණිස ගෝඨාභය රාජපක්ෂ බලයට ඒම වළක්වන්නැයි කාලි මැණියන්ගෙන් ආයාචනා බව කියා සිටියාය.

ගෝඨාභය රාජපක්ෂ යළි බලයට පැමිණියහොත් ඔහු ආරක්ෂක ලේකම්ව සිටි සමයේ තම සැමියා වු ප්‍රගීත් එක්නැළිගොඩ අතුරුදහන් කරවුවා මෙන් තමන් සහ තම දරුවන් ද අතුරුදහන් කරනු ඇති බවට සන්ධ්‍ය එක්නැළිගොඩ සැක පළ කර සිටී.

Facebook Comments

wedding people