නිදහස් අධ්‍යාපනය ශක්තිමත් කරන බව ජනපති පවසයි

0
1996
wedding people

රටේ සියලු දරුවන් දෙස එක ලෙස බලමින් ඔවුන් සියලුදෙනා වෙනුවෙන් රටේ නිදහස් අධ්‍යාපනය ශක්තිමත් කර උගතුන්ගෙන් පරිපූර්ණ සමාජයක් ගොඩනැඟීමට කැප වන බවට ජනාධිපතිවරයා පවසයි.

නව තාක්ෂණය, වාණිජකරණය, තරගකාරිත්වය මෙන්ම විෂම සමාජ බලවේග හෙට දවසේ අපට අභියෝග රැසක් එල්ල කර ඇති අතර එම සියල්ල හමුවේ අපේකම සහ අපේ සංස්කෘතිය රැකගෙන ඉදිරියට යාමට අපේ දරුවන් වහා සූදානම් විය යුතු බවට ජනාධිපති මෛත්‍රීපාල සිරිසේන කියා සිටියේ කොළඹ විශාඛා විද්‍යාලයේ සියවස් සැමරුම් උත්සවයට ඊයේ (23) එක්වෙමිනි.

රටේ මුළුමහත් ජනතාව උගතුන් හා බුද්ධිමතුන් බවට පත් කිරීම වගේම පඬිවරුන්, බහුශ‍්‍රැතයින් සමාජයට බිහි කිරීමේදී ඔබටත් මටත් ඒ පිළිබඳව පුළුල් වගකීම් සහ යුතුකම් රාශියක් තිබෙන බව සහ රටේ සෑම පුරවැසියෙක්ගේම වගකීම ජාතියක අනාගතය ශක්තිමත්ව ගොඩනැගීම බවටයි ජනාධිපතිවරයා අවධාරණය කරන්නේ.

විශාඛාවේ විදුහල්පතිතුමිය වගේම ගුරු මෑණිවරුන් සහ පියවරුන් විද්‍යාලයේ දරුවන්ගේ අනාගතය සඳහා සිය වගකීම සහ යුතුකම ඉතාම විශිෂ්ට ලෙස ඉටුකරනු ඇති බව ජනාධිපති මෛත්‍රීපාල සිරිසේන විශ්වාසය පල කළේය.

විශාඛා විද්‍යාලය ගොඩබැගීමට ජෙරොමියස් දියෙස් මැතිණිය සිදුකළ පරිත්‍යාගය අගය කළ ජනාධිපතිවරයා රජයක් ලෙස මේ රටේ සියලු දරුවන් වෙත කළ යුතු සෑම දෙයක්ම සිදුකරමින් නිදහස් අධ්‍යාපනය ශක්තිමත් කරමින් මේ රට උගතුන්ගෙන් පරිපූර්ණ රාජ්‍යයක් බවට පත් කිරීමට වෙහෙසෙන බවද පැවසීය.

කොළඹ විශාඛා විද්‍යාලයේ සියවස් සැමරුම වෙනුවෙන් සමරු කාසියක් සහ සමරු මුද්දරයක් නිකුත් කිරීමද මෙහිදී සිදු විය.

Facebook Comments