ගෝඨාභය රාජපක්ෂ විසින් මුලින්ම පත් කරන ලද ජනාධිපති කොමිසම හා අධිකරණය අතර ගැටුම තවදුරටත් උග්‍ර වී තිබේ.
නඩු කටයුත්තක් නවතා දමන ලෙසට මීට පෙර නීතිපතිවරයා හට නියෝග කළ දේශපාලන පළිගැනීම් පිළිබඳව සොයා බැලීම සඳහා පත් කර තිබෙන ජනාධිපති කොමිසම මෙවර උසාවි නියෝග පිළිගැනීම ප්‍රතික්ෂේප කර ඇත.
එම කොමිසමේ ලේකම් පර්ල්. කේ. වීරසිංහ අත් අඩංගුවට ගන්නා ලෙසට කොළඹ ත්‍රිපුද්ගල මහාධිකරණය විසින් කරන ලද නියෝගයට එරෙහිව යමින් කොමිසම විසින් නීතිපතිවරයා හට දන්වා ඇත්තේ තම සාමාජිකයකු අධිකරණය ඉදිරියේ සාක්ෂිකරුවකු ලෙස නම් කිරීම හෝ සිතාසි නිකුත් කිරීම “පූර්ණ වශයෙන් බලයෙන් පිට ක්‍රියාවක්” බවයි.
කොමිසම විසින් විමර්ශණය කරනු ලබන පැමිණිල්ලක් සම්බන්ධව සාක්ෂි ලබා දීමට ලේකම්වරිය හට අධිකරණය හමුවේ පෙනී සිටින ලෙසට නියෝග කර තිබුනද ඇය අද දිනයේ උසාවියට නොපැමිණි බැවින් ඇය අත් අඩංගුවට ගැනීමට නියම කළ විනිසුරු තුන් කට්ටුව විදෙස් ගත වීමද තහනම් කළේය.
නීති විරෝධී ලෙස අලි ඇතුන් පස් දෙනකු සන්තකයේ තබා ගෙන ජාවාරම් කිරීම සම්බන්ධයෙන් සමරප්පුලිගේ නිරාජ් රොෂාන් හෙවත් අලි රොෂාන් නමැත්තාට එරෙහිව ගොනුකර තිබෙන නඩුව 6 සිකුරාදා කැඳවු අවස්ථාවේදී විකුම් කළුආරච්චි, ධම්මික ගනේපොල සහ ආදිත්‍ය කේ. පටබැඳිගේ විනිසුරු මඩුල්ල මෙම නියෝගය නිකුත් කර ඇත.
නාවික හමුදා පැහැරගැනීම්
හිටපු නාවික හමුදාපති අද්මිරාල් ඔෆ් ද ෆ්ලීට් වසන්ත කරන්නාගොඩ ඇතුළු නාවික හමුදා ප්‍රබලයන්ට එරෙහිව කොළඹ ඇතුළු තදාසන්න ප්‍රදේශ වලින් 11 දෙනකු පැහැරගෙන ගොස් අතුරුදහන් කිරීම පිළිබඳ නඩු විභාගය නවතා දමන ලෙසට මීට පෙර දේශපාලන පළිගැනීම් පිළිබඳව සොයා බැලීම සඳහා පත් කර තිබෙන ජනාධිපති කොමිසම නීතිපතිවරයා හට නියෝග කර තිබුනි.
ඊට පෙරළා පිළතුරු යැවු නීතිපති දප්පුල ලිවේරා අධිකරණයේ විභාග වන නඩු කටයුත්තක් සම්බන්ධව නිර්දේශ හෝ නියෝග ලබා දීමට පරීක්ෂණ කොමිසන් සභාවකට බලයක් නොමැති බව දැන්වීය.
එමෙන්ම ජනාධිපති ගෝඨාභය රාජපක්ෂ විසින් පත් කරන ලද පලමු ජනපති කොමිසමට විරුද්ධව මුලික අයිතිවාසකම් පෙත්සමක් ගොනු කරමින් විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු කොමිසම් සභාවට ලබා දී ඇති ඇතැම් බලතල හරහා අයිතිවාසිකම් කඩවී ඇති බව කියා සිටී.
දේශපාලන පලිගැනිම් පිළිබඳ සෙවීමේ ජනාධිපති පරීක්ෂණ කොමිසන් සභාව වෙත දී ඇති බලතල අනුව අඛණ්ඩව සිදු වෙමින් පවතින හෝ පරීක්ෂණ කොමිසමේ කාලය තුළ ආරම්භ විය හැකි “විමසීම්, විමර්ශන සහ නීතිමය කටයුතු” වලක්වන, බාධා කරන සහ හෝ අගතියට පත් කරන නියෝග කිරීමට නිකුත් කිරීමට එයට හැකි බවට ආචාර්යවරයා අනතුරු අඟවා ඇත්තේ.
2020 ජනවාරි 22 වන දින ගැසට් අංක 2159/16 මගින් ජනාධිපති පරීක්ෂණ කොමිෂන් සභාව වෙත ලබා දී ඇති බලය ස්ථාපිත නීතිමය ව්‍යුහයන්ට පිටින් ක්‍රියාත්මක වන අතර අපරාධවලට ගොදුරු වූවන්ට බරපතල අගතියක් ඇති කරනු ඇති බවත් අතර වසර ගණනාවක් තිස්සේ ඇසෙමින් පවත්න නඩු තවදුරටත් ප්‍රමාද විය හැකි බවද ඔහු සිය පෙත්මෙන් වැඩි දුරටත් පෙන්වා දී ඇත.
Facebook Comments
